პროფესიული განათლების ეროვნული ჯილდოს კონკურსში გამარჯვებულები გამოვლინდნენ

ათასწლეულის გამოწვევის ფონდის პროექტის „პროფესიული განათლება ეკონომიკის განვითარებისთვის" ფარგლებში პროფესიული განათლების ეროვნული ჯილდოს გამარჯვებულები გამოვლინდნენ.

ფონდის ინფორმაციით, პროფესიული განათლების ეროვნული ჯილდოს კონკურსი საქართველოში პირველად ჩატარდა და მისი მიზანია, პროფესიული განათლების იმიჯისა და რეპუტაციის ამაღლება, მისი მნიშვნელობისა და პრესტიჟის აღიარება როგორც კერძო სექტორის წარმომადგენლებში, ასევე ინდივიდებში.

„პროფესიული განათლების ეროვნული ჯილდო 2017 - პირველად ტარდება საქართველოში. ჩვენი მთავარი მიზანია, პროფესიული განათლება ქვეყანაში მეტად პოპულარული და ყველასთვის სასურველი გავხადოთ. ძალიან მნიშვნელოვანია, რომ მშობელმაც და სტუდენტმაც სწორად იცოდნენ რას გულისხმობს და რა შესაძლებლობებს სთავაზობს პროფესიული განათლება“, - განაცხადა ათასწლეულის გამოწვევის ფონდის აღმასრულებელმა დირექტორმა მაგდა მაღრაძემ.

დაჯილდოებას დაესწრნენ ამერიკის ელჩი საქართველოში იან კელი და ვიცე-პრემიერი, განათლებისა და მეცნიერების მინისტრი ალექსანდრე ჯეჯელავა.

„დაჯილდოების ღონიძიება არის ერთ-ერთი ნაბიჯი პროფესიული განათლების პოპულარიზაციისთვის. უკვე გვაქვს კარგი შედეგები, ყოველწლიურად სულ უფრო მეტი სტუდენტი ირჩევს პროფესიულ სასწავლებელს. მნიშვნელოვანია, რომ მივიქციოთ სტუდეტების, მოსწავლებიის, მშობლების და დამსაქმებლების ყურადღება“, - განაცხადა ალექსანდრე ჯეჯელავამ.

გამარჯვებულები 4 სხვადასხვა კატეგორიაში გამოვლინდნენ:

წლის პროფესიული განათლების სტუდენტი

1. მთავარი პრიზის მფლობელი - ნიკოლოზ წიკლაური - სსიპ საზოგადოებრივი კოლეჯი „ინფორმაციული ტექნოლოგიების აკადემია“

2. არჩილ გობეჯიშვილი - პროფესიული კოლეჯი „სპექტრი“

წლის პროფესიული განათლების მასწავლებელი

1. მთავარი პრიზის მფლობელი - მანუელ ფაუნდეს-ბარანდა - ააიპ პროფესიული კოლეჯი „იკაროსი“

2. ინეზი პარუნაშვილი - სსიპ პროფესიული კოლეჯი „მოდუსი“

წლის პროფესიული საგანმანათლებლო დაწესებულება

1. მთავარი პრიზის მფლობელი - ააიპ პროფესიული კოლეჯი „იკაროსი“

2. სსიპ საზოგადოებრივი კოლეჯი „ახალი ტალღა“

წლის პროფესიული განათლების ბიზნეს პარტნიორი

1. მთავარი პრიზის მფლობელი - Adjara Group Hospitality საქართველოს აგრარული უნივერსიტეტის კულინარიის აკადემიასთან თანამშრომლობისთვის

2. BP საქართველო - საქართველოს ტექნიკურ უნივერსიტეტთან თანამშრომლობისთვის

ღონისძიების გენერალური სპონსორია ინა გუდავაძე–პატარკაციშვილი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024