მარტვილის ახალარჩეულმა მერმა ალექსანდრე გრიგალავამ მმართველ პარტიას და ამომრჩევლებს ნდობისთვის მადლობა გადაუხადა. გრიგალავას თქმით, იგი საქმიანობას ხვალიდან შეუდგება.

„ეს შედეგი ჩვენთვის მოსალოდნელი იყო. ხვალიდან შევუდგებით უკვე საქმეების კეთებას. მინდა უღრმესი მადლობა გადავუხადო მმართველ პარტიას, რომ ნდობა გამომიცხადა და მომცა შესაძლებლობა, მარტვილის მერი გავმხდარიყავი. განსაკუთრებული მადლობა მარტვილის მოსახლეობას, რომელიც მენდო და მხარდაჭერა გამომიცხადა. ჩვენ აუცილებლად გავამართლებთ ხალხის იმედებს და განვახორციელებთ ყველა პროექტს, რაც მარტვილს ბევრად უკეთესს გახდის“, - განაცხადა ალექსანდრე გრიგალავამ.