„ნაციონალური მოძრაობის“ ქუთაისის ორგანიზაციის წარმომადგენლის, გიგა შუშანიას განცხადებით, ადგილობრივი თვითმმართველობის არჩევნების მეორე ტურის შედეგებით, არჩეული მერის ლეგიტიმურობის საკითხი დგება დღის წესრიგში.
„ამომრჩევლთა 82% უნდობლობას რომ გიცხადებს და არ მოდის არჩევნებზე, ამავდროულად იძულებით მიყვანილი ადამიანებიდან 3 000 იმ კანდიდატს მისცემს ხმას, რომელიც არ მონაწილეობს არჩევნებში, არჩეული მერის ლეგიტიმურობის საკითხი ბუნებრივად დგება დღის წესრიგში", - აცხადებს გიგა შუშანია. მისი განცხადებით, ”ასეთი ცარიელი უბნები 2000 წლის შემდეგ არ დაფიქსირებულა”.
თვითმმართველობის არჩევნების მეორე ტურში, ქუთაისში რეგისტრირებული ამომრჩეველის 18 პროცენტამდე მივიდა, საიდანაც ბოიკოტის რეჟიმის მიუხედავად, 12,45%-მა ხმა "ნაციონალური მოძრაობის" კანდიდატს მისცა.