სებასტიან კურცი - ჩვენი მიზანია გერმანიასთან, ისევე როგორც ევროკავშირთან ორმხრივი ურთიერთობის გაფართოება

ავსტრიის ახალ მემარჯვენე-კონსერვატორულ მთავრობას გერმანიასთან კავშირების გაღრმავება სურს. „ჩვენ ძალიან ბევრი პირადი, ეკონომიკური, პოლიტიკური და კულტურული რამ გვაკავშირებს გერმანიასთან“ , - ამის შესახებ ავსტრიის კანცლერმა სებასტიან კურცმა განაცხადა გაზეთ Bild-ისთვის მიცემულ ინტერვიუში.

ავსტიის ხელისუფლების სათავეში მემარჯვენე ძალების მოსვლამ გააჩინა კითხვა, თუ როგორ გაართმევს თავს ბრიუსელთან ურთიერთობას.

კურცი არ ეთანხმება იმ აზრს, რომ მისი მკაცრი საიმიგრაციო პოლიტიკა დაძაბავს ვითარებას გერმანიასთან და ბრიუსელთან.

„ჩვენ ვაპირებთ თანამშრომლობის გაღრმავებას გერმანიის მთავრობასთან, განსაკუთრებით კი კანცლერ ანგელა მერკელთან. ჩვენი მიზანია გერმანიასთან, ისევე როგორც ევროკავშირთან ორმხრივი ურთიერთობის გაფართოება“, - განაცხადა კურცმა.