რუსთავის საახალწლო ილუმინაციებითა და დეკორაციებით მორთვის პროცესი მიმდინარეობს
რუსთავის საახალწლო ილუმინაციებითა და დეკორაციებით მორთვის პროცესი მიმდინარეობს. ქალაქის სხვადასხვა უბნებში, სკვერებსა და პარკებში სამუშაოებს რუსთავის ა(ა)იპ ,,უზრუნველყოფის სამსახურის” თანამშრომლები ახორციელებენ.
საახალწლო განათებებითა და დეკორაციებით გაფორმდა კოსტავას, მეგობრობის, შარტავას გამზირები, რუსთაველის, თოდრიას, მესხიშვილის, ცხრა ძმა ხერხეულიძისა და კლდიაშვილის ქუჩები, ცენტრალური ხიდი და მოედნები, სკვერები და პარკები.
როგორც ა(ა)იპ,,უზრუნველყოფის სამსახურის” უფროსმა ზაზა კუპატაძემ ,,ინტერპრესნიუსთან“ საუბარში განაცხადა, ქალაქის მთავარი ნაძვის ხე ტრადიციულად, მერიის წინ, თავისუფლების მოედანზე დამონტაჟდა და ახალი ილუმინაციებით მოირთო. ცენტრალური ქუჩების გარდა, წელს საახალწლოდ გაფორმდა გარეუბნებიც, კერძოდ ჭყონდიდელის დასახლებაში ცოცხალი ნაძვი მორთეს და მანათობელი დეკორაციები და ილუმინაციები დაამონტაჟეს.
საახალწლოდ რუსთავის გაფორმებაზე, ადგილობრივი ბიუჯეტიდან წელს 50 ათას ლარამდე დაიხარჯა.
