თსსუ-ს რექტორს ოქსფორდის აკადემიური კავშირის საპატიო პროფესორის წოდება მიენიჭა

თბილისის სახელმწიფო სამედიცინო უნივერსიტეტის რექტორს, პროფესორ ზურაბ ვადაჭკორიას ოქსფორდის აკადემიური კავშირის საპატიო პროფესორის წოდება მიენიჭა.

ამის შესახებ „ინტერპრესნიუსს“ თბილისის სახელმწიფო სამედიცინო უნივერსიტეტიდან აცნობეს.

მათივე ცნობით, დიდ ბრიტანეთში, ოქსფორდის ლიდერთა სამიტზე, რომელიც განათლების მართვის აკადემიის ორგანიზებით ჩატარდა, თბილისის სახელმწიფო სამედიცინო უნივერსიტეტის რექტორს, პროფესორ ზურაბ ვადაჭკორიას მედიცინის დარგში გაწეული დამსახურებისათვის, კერძოდ კი, განათლების მართვაში, სამეცნიერო-კვლევით აქტივობაში, თანამედოვე საზოგადოებაში უმაღლესი განათლების როლისა და ეფექტურობის წარმოჩენაში გაწეული აქტივობისთვის, ოქსფორდის აკადემიური კავშირის საპატიო პროფესორის წოდება მიენიჭა.

ოქსფორდის აკადემიური კავშირის ლიდერთა სამიტზე, რომელსაც ევროპის რექტორთა კლუბის წარმომადგენლები და 55 ქვეყნის აკადემიური ელიტა დაესწრო, პროფესორი ზურაბ ვადაჭკორიას ოქსფორდის აკადემიური კავშირის დიპლომი და ტიტულის ყველა ატრიბუტიკა საზეიმოდ გადაეცა.

ოქსფორდის აკადემიური კავშირის საპატიო პროფესორის წოდება დაწესდა ოქსფორდში, აკადემიური კავშირის და განათლების მართვის აკადემიის მიერ, ევროპის რექტორთა კლუბის და სოკრატეს საერთაშორისო კომიტეტის ხელშეწყობით. ამ საპატიო ტიტულის მინიჭება ხდება იმ პირებისათვის, ვისაც განსაკუთრებული წვლილი მიუძღვით თანამედროვე საზოგადოების სოციალურ და ინტელექტუალურ პროგრესში, მეცნიერების, კულტურის და განათლების სფეროს ინტეგრაციის პროცესებში. წოდება ენიჭებათ გამოჩენილ მეცნიერებს, გამორჩეულ მასწავლებლებს, საგანმანათლებლო დაწესებულებების წარმატებულ ხელმძღვანელებს, ცნობილ საზოგადო და პოლიტიკურ მოღვაწეებს, კულტურის წარმომადგენლებსა და დიპლომატებს.

ოქსფორდის აკადემიური კავშირის საპატიო პროფესორის წოდება უდიდესი პრივილეგიაა, რაც ხელს შეუწყობს თბილისის სახელმწიფო სამედიცინო უნივერსიტეტის საერთაშორისო კავშირების გაღრმავებას, აკადემიური კავშირის სხვა წევრებთან ერთობლივი პროექტების განხორციელებას, უნივერსიტეტის აკადემიურ პერსონალსა და ევროპისა და დიდი ბრიტანეთის უმაღლეს საგანმანათლებლო დაწესებულებებთან თანამშრომლობის განვითარებას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს