ექიმის ინფორმაციით, სპეცოპერაციის დროს დაჭრილის მდგომარეობა საკმაოდ მძიმეა და პროგნოზირება შეუძლებელია

სპეცოპერაციის დროს დაჭრილი თერილმან მაჩალიკაშვილის ოპერაცია დასრულდა. ნეიროქირურგიული ოპერაცია დაახლოებით სამი საათის განმავლობაში მიმდინარეობდა.

როგორც "ინტერპრესნიუსს" თელავის რეფერალური საავადმყოფოს ექიმმა ხათუნა ჭონიაშვილმა განუცხადა, ახალგაზრდას ქალა-ტვინის გამჭოლი ჭრილობა აქვს. მისივე თქმით, ამ ეტაპზე პაციენტის მდგომარეობა საკმაოდ მძიმეა და ის მოთავსებულია რეანიმაციულ განყოფილებაში.

„ამ ეტაპზე ჯანმრთელობის მდგომარეობის პროგნოზირება შეუძლებელია. მიმდინარეობს ოპერაციის შემდგომი მკურნალობა. ოპერაციამ რაიმე გართულების გარეშე ჩაიარა“, - განაცხადა ექიმმა.

სუს-მა დღეს 5 პირი დააკავა, აქედან 4 პანკისში, ერთი კი - თბილისში. ყველა მათგანს თბილისში, ბერი გაბრიელ სალოსის გამზირზე ჩატარებული სპეცოპერაციისას განეიტრალებულ პირებთან კავშირი და მათი დახმარება ედება ბრალად. პანკისში ჩატარებული სპეცოპერაციის დროს ერთი პირი დაიჭრა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით