ოთარ აბესაძის ადვოკატებმა, შესაძლოა, ევროსასამართლოს მიმართონ

ოთარ აბესაძის აღმკვეთი ღონისძიების შეცვლის საკითხთან დაკავშირებით ადვოკატებმა, შესაძლოა, სარჩელი ადამიანის უფლებების ევროპულ სასამართლოში შეიტანონ, - ამის შესახებ „ინტერპრესნიუსს“ ოთარ აბესაძის ადვოკატმა ირმა ჭკადუამ განუცხადა.

მისი თქმით, მიმდინარეობს კონსულტაციები, რომელიც ტექნიკურ პროცედურებთან არის დაკავშირებული. სარჩელის მთავარ მიზანს ის წარმოადგენს, რომ ოთარ აბესაძის მიმართ ირღვევა კონსტიტუციურად დაცული უფლებები და ის არაადამიანურ პირობებში იმყოფება.

„ოთარ აბესაძისთვის აღმკვეთი ღონისძიების შეცვლის საკითხთან დაკავშირებით, ვაპირებთ მივმართოთ ადამიანის უფლებების ევროპულ სასამართლოს, ვინაიდან ის იმყოფება არაადამიანურ პირობებში. ჩვენ გვსურს, რომ ოთარ აბესაძეს გირაოს სანაცვლოდ მიეცეს შესაძლებობა სასამართლოში სიარულის, მკურნალობის და პროცესები ჩატარდეს კანონის სრული დაცვით. მსგავს დანაშაულებთან დაკავშირებით უამრავი ადამიანია გირაოს სანაცვლოდ გათავისუფლებული და თავად ოთარ აბესაძეც აღიარებს დანაშაულს და ინანიებს მის ქმედებას. თუმცა, სასამართლომ მაინც არ დააკმაყოფილა ეს მოთხოვნა. მაინც და მაინც „ნაციონალურ მოძრაობაში“ უნდა გავაწევრიანოთ ეს ადამიანი, რომ გარეთ გამოვიდეს?! ეს არ ყოფილა ქართველი ხალხის ოცნება“, - განაცხადა ირმა ჭკადუამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს