27.12.2017 / 12:33
ა
ა
თურქეთში გიულენთან კავშირის ბრალდებით 171 პირის დაკავების ორდერები გაიცა
თურქეთის უშიშროების სამსახურმა ფეთჰულაჰ გიულენის ორგანიზაციასთან კავშირის ბრალდებით 54 ადამიანი დააკავა. ამის შესახებ სააგენტო „ანადოლუ“ წერს.
სააგენტოს ცნობით, სტამბოლის პროკურატურამ 171 პირის დაკავების ორდერები გასცა, მათი დაკავების ოპერაცია 29 პროვინციაში მიმდინარეობს. ეჭვმიტანილთა შორის არიან ფატიჰის უნივერსიტეტის თანამშრომლებიც.
გამოძიების ინფორმაციით, აღნიშნული პირები იყენებდნენ აპლიკაცია ByLock-ს, რომელშიც მიმოწერის დაშიფვრა შეიძლება.
თურქეთის ხელისუფლება ამტკიცებს, რომ ამ აპლიკაციით სარგებლობდა ფეთჰულა გიულენი, რომელსაც ანკარა 2016 წლის ივლისში თურქეთში მომხდარი სახელმწიფო გადატრიალების მცდელობაში ადანაშაულებს. აშშ-ში მცხოვრები გიულენი ამ ბრალდებებს არ ეთანხმება.
v-if="article.gallery" v-html="article.gallery"
15.07.2025 / 21:13
15.07.2025 / 21:13
14.07.2025 / 09:02
