რუსთავში მთავარ ნაძვის ხესთან საახალწლო კონცერტი მიმდინარეობს

რუსთავში თავისუფლების მოედანზე, ,,საახალწლო სოფლში“ მთავარ ნაძვის ხესთან საახალწლო კონცერტი მიმდინარეობს. ,,საახალწლო სოფელში“ პატარებს სანტა კლაუსი მასპინძლობს.

როგორც ,,ინტერპრესნიუსს“ რუსთავის მერიიდან აცნობეს, საახალწლო ღონისძიებები რუსთავში 29 დეკემბერს დაიწყო და დღეს ღამის თერთმეტ საათზე გალა-კონცერტითა და ,,მრავალჟამიერით" სრულდება. საახალწლო გალა-კონცერში მონაწილეობას ლაშა ბერიძე, ოთო ნემსაძე, სალომე ბაკურაძე, დათუნა მგელაძე, ანანო მჟავია, თემურ თათარაშვილი, დათო ნეფარიძე და „პანჩო“ მიიღებენ. მოედანზე შეკრებილ რუსთაველებს დამდეგ შობა-ახალ წელს გალა-კონცერტის მიმდინარეობისას, ქვემო ქართლის გუბერნატორი გრიგოლ ნემსაძე, რუსთავის მერი ირაკლი ტაბაღუა და საკრებულოს თავმჯდომარე ლევან ონიანი მიულოცავენ.

„საახალწლო სოფელი“ ახალი წლის და შობის დეკორაციებით, მანათობელი ანგელოზებით, თოვლის ბაბუებით, ნაძვის ხეებით, სასაჩუქრე ყუთებით აწყობილი ნაძვის ხითა და ირმებიანი მარხილითაა გაფორმებული. სოფლის პერიმეტრი მორთულია საახალწლო სანათებით, თივის შეკვრებით, დიდი სასაჩუქრე ყუთებით, გირლიანდებითა და წითელი ბაბთებით.

სამი დღის განმავლობაში ,,სახალწლო სოფელში“ ხელნაკეთი ნივთებისა და სუვენირების გამოფენა-გაყიდვა მიმდინარეობს, მოწყობილია სანტას კუთხე, მინი კინოთეატრი ბავშვებისათვის, გაიმართა სამუსიკო სკოლებისა და მუსიკალური სტუდიების კონცერტები, ფლეშმობი, საცირკო და თეატრალური წარმოდგენები, ილუზიონისტებისა და ანიმატორების შოუ.

„საახალწლო სოფელში“ მისულ ბავშვებს, სხვადასხვა ზღაპრის გმირები ეგებებიან, პატარებს იქვე ხვდებათ სანტა კლაუსი, რომელიც მათ საჩუქრებს ურიგებს. მინი კინოთეატრში 18:00 საათიდან ბავშვები საახალწლო მოკლემეტრაჟიანი მულტფილმებისა და ფილმების ნახვის, ასევე Photo bus-ში სპეციალურად მოწყობილ კაბინაში ფოტოს გადაღების შესაძლებლობა აქვთ.

გაიმართა ადგილობრივი ფოლკლორული ანსამბლების - „თუთარჩელას“, „ფიროსმანის“,„მე რუსთველისა“ და „სალხინოს“, ასევე მუსიკალური ბენდების - „გროს ოქტეტისა“ და ‘’Menzura”-ს კონცერტები.

საახალწლო ღონისძიებების ორგანიზატორი ქალაქ რუსთავის მუნიციპალიტეტის მერიაა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს