მიხეილ სააკაშვილის მხარდამჭერები პროკურორ ირაკლი ნადარეიშვილს შეძახილებით შეხვდნენ

მიხეილ სააკაშვილის საქმეზე პროკურორ ირაკლი ნადარეიშვილს მიხეილ სააკაშვილის მხადამჭერები სასამართლო დარბაზიდან გამოსვლის შემდეგ შეძახილებით შეხვდნენ.

სააკაშვილის მხარდამჭერები აცხადებდნენ, რომ პროკურორი ირაკლი ნადარეიშვილი არის მიკერძოებული და მთავრობის ინტერესების გამტარებელი. ამასთან, მათი თქმით, მას უნდა რცხვენოდეს საკუთარი პოზიციის.

სააკაშვილის მხარდამჭერების შეძახილები გაგრძელდა მთელი იმ პერიოდის განმავლობაში, როდესაც პროკურორი ირაკლი ნადარეიშვილი ჟურნალისტებს ინტერვიუს აძლევდა. ინტერვიუს დასრულების შემდეგ კი მიხეილ სააკაშვილის მხადამჭერები პროკურორ ირაკლი ნადარეიშვილს შეძახილებითა და სტვენით სასამართლოს ეზომდე გაყვნენ.

ყოფილი პრეზიდენტის მიხეილ სააკაშვილის მიმართ საქართველოს სასამართლოებში პირველი განაჩენი გამოცხადდა.

თბილისის საქალაქო სასამართლოს მოსამართლე გიორგი არევაძემ სანდრო გირგვლიანის საქმეზე, ყოფილი პრეზიდენტის ბრალდების ნაწილთან დაკავშირებით გადაწყვეტილება რამდენიმე წუთის წინ გამოაცხადა. მოსამართლემ სააკაშვილი დამნაშავედ ცნო და 3 წლით თავისუფლების აღკვეთა მიუსაჯა.

სანდრო გირგვლიანის საქმეზე მიხეილ სააკაშვილს ბრალი სამსახურებრივი უფლებამოსილების ბოროტად გამოყენების მუხლით აქვს წაყენებული. გამოძიების თანახმად, მიხეილ სააკაშვილმა კუდ-ის იმჟამინდელ ხელმძღვანელს დათა ახალაიას სანდრო გირგვლიანის მკვლელობისთვის მსჯავრდებულების შეწყალების უკანონო დაპირება მისცა და შემდეგ უკვე შეწყალების კომისიის გვერდის ავლით გერონტი ალანია, მიხეილ ბიბილურიძე, ავთანდილ აფციაური და ალექსანდრე ღაჭავა შეიწყალა, რითაც შექმნა სამართლებრივი ბერკეტი, მსჯავრდებულების პირობით ვადამდე გათავისუფლებისთვის.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო