დავით სერგეენკო - საზოგადოებას მოვუწოდებ, ნუ აიცრუებენ გულს ვაქცინაციაზე, რადგან იმუნიზაცია არის უსაფრთხო და ეფექტური საშუალება დაავადებებისგან თავის დასაცავად

საზოგადოებას მოვუწოდებ, ნუ აიცრუებენ გულს ვაქცინაციაზე, - ამის შესახებ ჯანდაცვის მინისტრმა დავით სერგეენკომ სამინისტროში ვაქცინაციის საკითხზე გამართულ საგანგებო ბრიფინგზე განაცხადა.

როგორც მინისტრმა აღნიშნა, ვაქცინაცია, როგორც ტექნოლოგია, არის უსაფრთხო და ეფექტური საშუალება დაავადებებისგან თავის დასაცავად. სერგეენკომ მედიასაშუალებებს ინფორმაციის გავრცელებისას სიფრთხილისკენ მოუწოდა.

„მინდა ვთხოვო მედიას, რომ როდესაც ასეთ თემებზეა საუბარი, გზავნილები იყოს ძალიან მოზომილი. არ მინდა მენტორულად აგიხსნათ, თუ როგორ შეასრულოთ თქვენი სამუშაო, უბრალოდ ერთ მაგალითს გეტყვით - როდესაც 2004-2005 წლებში საქართველოში იყო „წითელას“ აფეთქება, იყო არაიმუნიზირებული ფენა, რომელსაც 90-იან წლებში უნდა გაეკეთებინა აცრა. მაშინ სახელმწიფომ გადაწყვიტა მასობრივი ვაქცინაცია, თუმცა, მხოლოდ ერთმა სიუჟეტმა, რომელიც გავიდა მაშინდელ მედიაში და რომელიც ემსახურებოდა იმუნიზაციის დისკრედიტაციას, საერთოდ მოშალა ეს ყველაფერი. შედეგად მივიღეთ წითელას აფეთქება. როდესაც 15 ათასი ადამიანი დასნებოვდა და მათგან 4 გარდაიცვალა. ასე რომ, იმუნიზაცია და ვაქცინაცია არის ტექნოლოგია, რომელმაც საუკუნეების განმავლობაში დაადასტურა, რომ ერთადერთი ქმედითი საშუალებაა გადამდები დაავადებებისგან გადასარჩენად.

საზოგადოებას მოვუწოდებ, ნუ აიცრუებენ გულს ვაქცინაციაზე. ვაქცინაცია, როგორც ტექნოლოგია, არის უსაფრთხო და ეფექტური და იცავს დაავადებებისგან და ის ვაქცინები, რომელიც დღეს არის საქართველოში, არის მაღალი ხარისხის”, - განაცხადა ჯანდაცვის მინისტრმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს