ფინანსთა სამინისტროს შემოსავლების სამსახურის ინფორმაციით, საბაჟო გამშვებ პუნქტ „სარფში“, ნარკოტიკული ნივთიერებების შემცველი მედიკამენტების ქვეყნის საზღვარზე უკანონოდ შემოტანის ფაქტები აღიკვეთა.
ფინანსთა სამინისტროს შემოსავლების სამსახურის მებაჟე ოფიცრებმა ეჭვის საფუძველზე, კინოლოგიური სამსახურის ძაღლის მიერ აზერბაიჯანისა და ირანის მოქალაქეების მართვის ქვეშ არსებული ავტომობილისა და კუთვნილი ხელბაგის დათვალიერების შედეგად, ნარკოტიკული (94 აბი და 9 ნატეხი) ნივთიერებების შემცველი მედიკამენტი და ნარკოტიკული ნივთიერება მარიხუანა (3,8გ.) აღმოაჩინეს.
მათივე ინფორმაციით, საქმეთა მასალები შემდგომი რეაგირების მიზნით, შინაგან საქმეთა სამინისტროს შესაბამის ერთეულებს გადაეცა.