თბილისში აზიური ფაროსანას მონიტორინგის სისტემების დამონტაჟება მიმდინარეობს. როგორც „ინტერპრესნიუსს“ სურსათის ეროვნული სააგენტოდან აცნობეს, სააგენტოს თბილისის საქალაქო სამსახურის სპეციალისტებმა ფერომონიანი დამჭერების განთავსება თბილისის ცენტრალურ უბნებში უკვე დაიწყეს.
დედაქალაქის მასშტაბით და შემოგარენ სოფლებში 250 მონიტორინგის სისტემის განთავსებაა დაგეგმილი.
შესაბამისი ღონისძიებები მონიტორინგის შედეგების გათვალისწინებით, თბილისის მერიასთან შეთანხმებით დაიგეგმება.