გაერო-ში რუსეთის ელჩი - სირიაში აშშ-ს და მისი მოკავშირეების ქმედებები საერთაშორისო ურთიერთობებში ხულიგნობას წარმოადგენს

სირიაში აშშ-ს და მისი მოკავშირეების ქმედებები საერთაშორისო ურთიერთობებში ხულიგნობას წარმოადგენს, - ამის შესახებ გაერო-ს უშიშროების საბჭოს საგანგებო სხდომაზე გაერო-ში რუსეთის ელჩმა ვასილი ნებენზიამ განაცხადა.

"ჩვენ უკვე მივეჩვიეთ იმას, რომ საეჭვო გეოპოლიტიკური მიზნების განხორციელებისას აგრესორი ქვეყნები ყველა ცოდვაში ასადს ადანაშაულებენ. ბოლო დროს კი მოდაში შემოვიდა პასუხისმგებლობის რუსეთზე დაკისრება, რომელიც მათი ვერსიით, ვერ ახერხებს დიქტატორის შეკავებას", - განაცხადა ვასილი ნებენზიამ.

მისივე თქმით, ყველაფერი ხდება წინასწარ მომზადებული სცენარით, რაც მოიცავს პროვოკაციას, ცრუ ბრალდებებს, განაჩენსა და სასჯელის აღსრულებას.

"თქვენ ასე გსურთ საერთაშორისო ურთიერთობების წარმართვა? ეს ხულიგნობაა საერთაშორისო ურთიერთობებში და არცთუ ისე უწყინარი ხულიგნობა იმის გათვალისწინებით, რომ საუბარია ბირთვულ ზესახელმწიფოებზე", - აღნიშნა გაერო-ში რუსეთის ელჩმა.

შეგახსენებთ, რომ დღეს გამთენიისას საერთაშორისო კოალიციამ, რომლის შემადგენლობაშიც აშშ, საფრანგეთი და დიდი ბრიტანეთი შედის, სირიაში გარკვეულ ობიექტებზე დარტყმა მიიტანეს.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს