ეკა ბესელია - გედევან ფოფხაძესთან ერთად ძალიან ბევრი მიმუშავია და არასდროს მასთან თანამშრომლობის პრობლემა არ მქონია

გედევან ფოფხაძე ძალიან შრომისმოყვარე ადამიანია, ერთად ბევრი გვიმუშავია და არასდროს მასთან პრობლემა არ მქონია, - ასე უპასუხა დეპუტატმა ეკა ბესელიამ შეკითხვას, პარლამენტის იურიდიულ საკითხთა კომიტეტისა და ადამიანის უფლებათა დაცვის კომიტეტის თავმჯდომარის პირველი მოადგილის თანამდებობაზე გედევან ფოფხაძისა და ვანო ზარდიაშვილის შესაძლო გადანაცვლების შესახებ.

“აღნიშნულ საკითხთან დაკავშირებით კომენტარის გაკეთება არ მინდა. მე მხოლოდ ერთი შემიძლია ვთქვა: წინა მოწვევის პარლამენტში, გედევან ფოფხაძე ადამიანის უფლებათა დაცვის კომიტეტში ჩემი პირველი მოადგილე იყო. არასდროს ჩვენ თანამშრომლობის პრობლემა არ გვქონია. გახსოვთ, ადამიანის უფლებათა დაცვის კომიტეტი ყველაზე დატვირთული იყო და ძალიან დიდ სამუშაოს ეწეოდა. გედევან ფოფხაძე ძალიან შრომისმოყვარე ადამიანია, ერთად ბევრი გვიმუშავია და არასდროს მასთან პრობლემა არ მქონია“, - განუცხადა ეკა ბესელიამ “ინტერპრესნიუსს“.

გედევან ფოფხაძემ ადამიანის უფლებათა დაცვის კომიტეტის თავმჯდომარის პირველი მოადგილის თანამდებობიდან, შესაძლოა იურიდიულ საკითხთა კომიტეტის თავმჯდომარის პირველი მოადგილის პოსტზე გადაინაცვლოს და ამ პოზიციაზე ვანო ზარდიაშვილი შეცვალოს, ხოლო თავის მხრივ, ზარდიაშვილმა ადამიანის უფლებათა დაცვის კომიტეტის თავმჯდომარის პირველი მოადგილის თანამდებობა დაიკავოს.

“ინტერპრესნიუსის“ ინფორმაციით, უმრავლესობის ფარგლებში, განხილვის ერთ-ერთი თემა გედევან ფოფხაძისა და ვანო ზარდიაშვილის თანამდებობრივი გადანაცლების საკითხი იქნება. პარლამენტში იმასაც ამბობენ, ასეთი ცვლილება მისაღებია როგორც ადამიანის უფლებათა დაცვის კომიტეტის თავმჯდომარის სოფიო კილაძისთვის, ასევე იურიდიულ საკითხთა კომიტეტის თავმჯდომარე ეკა ბესელიასთან.

დეპუტატმა გედევან ფოფხაძემ “ინტერპრესნიუსთან“ საუბრისას დაადასტურა, რომ მას სოფიო კილაძესთან აქვს დაძაბული ურთიერთობა, საერთოდ არ გაჩნიათ ერთმანეთთან კომუნიკაცია და თუკი ასეთი თანამდებობრივი ცვლილება განხორციელდება, ეს სწორი გამოსავალი იქნება და კომიტეტების ეფექტურ მუშაობასაც წაადგება.

“მიმაჩნია, ბევრად უფრო უკეთესი იქნება, თუკი ვიქნები იურიდიულ საკითხთა კომიტეტის თავმჯდომარის პირველი მოადგილე, ვიდრე ვარ ადამიანის უფლებათა დაცვის კომიტეტის თავმჯდომარის პირველი მოადგილე. ასეთი ცვლილება იქნება სწორი გამოსავალი და ორივე კომიტეტისთვის უკეთესი “, - აღნიშნა გედევან ფოფხაძემ.

ცნობისთვის, კომიტეტის თავმჯდომარის პირველი მოადგილე ის თანამდებობაა, რომელსაც კომიტეტი ხმათა უმრავლესობით უშუალოდ კომიტეტის თავმჯდომარის წარდგენით ირჩევს.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე