უმრავლესობა არის ცოცხალი ორგანიზმი, მასში მიმდინარე პროცესები არის ჯანსაღი, - ამის შესახებ ჯანდაცვის კომიტეტის თავმჯდომარემ აკაკი ზოიძემ უმრავლესობის სხდომასთან დაკავშირებით დასმული კითხვის პასუხად განაცხადა.

მისი თქმით, გუნდში კონსულტაციები და დისკუსიები გრძელდება.

" სხდომა ჩატარდება. ჩვენ შიგნით კონსულტაციებს, საუბრებს, დისკუსიებს ვაგრძელებთ იმისათვის, რომ ის კონკრეტული თემები, რაც პრობლემურად იყო აღქმული ჩვენი კოლეგების მხრიდან, კომუნიკაციის ნაკლებობის თემები, მთლიანად აღმოვფხრათ. უმრავლესობა არის ცოცხალი ორგანიზმი, მასში მიმდინარე პრცესები არის ჯანსაღი და საბოლოო ჯამში, ამით ყალიბდება გუნდურობა. ჩვენი გუნდი იქნება ჭეშმარიტი გუნდი და არა ერთ ნოტაზე მოცეკვავე ადამიანები. ასეთი ტიპის გუნდის წევრად ვგრძნობ თავს და ამაყი ვარ", - განაცხადა ზოიძემ.

ამასთან, საპარლამენტო უმრავლესობის წევრების ნაწილის ინფორმაციით, საპარლამენტო უმრავლესობის შეხვედრა, სავარაუდოდ, მომავალ კვირას გაიმართება.