დაე, იყოს ჩემი შვილი მსხვერპლი, რომ ხვალ იგივე არ გაგრძელდეს, - ამის შესახებ ხორავას ქუჩაზე მოკლული დავით სარალიძის მამამ ზაზა სარალიძემ პარლამენტთან გუშინ გამართულ აქციაზე „ნუ მომკლავ“ სიტყვით გამოსვლისას განაცხადა.

ზაზა სარალიძემ აქციის მონაწილეებს მხარდაჭერისთვის მადლობა გადაუხადა. "დიდი მადლობა ჩემი შვილის გვერდში დგომისთვის. დღეს მე ვდგავარ ძალიან დიდი უსამართლობის წინაშე, მაგრამ დაე, ჩემი შვილი იყოს მსხვერპლი, რომ ხვალ არ გაგრძელდეს იგივე, არ დაიღუპონ ახალგაზრდები", - განაცხადა სარალიძემ.