ზაზა სარალიძე - ბრალდებულის ჩვენება მირზა სუბელიანზე სამართლებრივი დევნის დასაწყებად, საკმარისი ინფორმაციაა

ბრალდებულმა დაადასტურა მირზა სუბელიანთან შეხვედრა. კალანდიების სახლში მიესალმა კიდევაც მას და შემდეგ უკვე როდესაც სახლიდან გადიოდა კალანდიამ უთხრა - ბიძაჩემი ხომ იცი რა მაგარი პროკურორია, დაალაგებს ამ საქმესო, - ამის შესახებ ჟურნალისტებს, ხორავას ქუჩაზე მოკლული მოზარდის დავით სარალიძის მამამ, ზაზა სარალიძემ, საქმეზე ერთ-ერთი ბრალდებულის დაკითხაზე საუბრისას განუცხადა. როგორც სარალიძე ამბობს, მისთვის მოწმის მიერ გაჟღერებული ინფორმაცია სიახლე არაა, ვინაიდან დიდი ხანია საუბრობს როგორც მიხეილ კალანდიას, ასევე მირზა სუბელიანის მიერ გარკვეული დანაშაულის ჩადენაზე.

"პირადად ჩემთვის ბრალდებულის ჩვენებაში არაფერი სიახლე არ ყოფილა. რაც გაჟღერდა ის ინფორმაცია აქამდეც ვიცოდით, უბრალოდ პროკურატურას არ უნდოდა ამის აღიარება. მოწმის ჩვენებით, მიხეილ კალანდიას ქურთუკის მკლავზე დაინახა სისხლი და ასევე რაღაც საგანი, რომელიც ხელში ეჭირა და ქურთუკში მალავდა. გარდა ამისა დაადასტურა მირზა სუბელიანთან შეხვედრა, როდესაც სუბელიანი მივიდა კალანდიების სახლში, მიესალმა კიდევაც, მაგრამ მერე უკვე კალანდიამ გამოიყვანა სახლიდან და უთხრა - ბიძაჩემი ხომ იცი რა მაგარი პროკურორია, დაალაგებს ამ საქმეს ყველაფერს. ეს უკვე საკმარისი ინფორმაციაა საიმისოდ, რომ მირზა სუბელიანზე სამართლებრივი დევნა დაიწყოს. რასაც დღემდე მოვითხოვდი იმას ვითხოვ ახლაც, გამოააშკარაონ ვისაც ამ დანაშაულთან ოდნავი შემხებლობა მაინც ქონდათ", - განაცხადა ზაზა სარალიძემ.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 16.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ოფისი განახლებულ ჭავჭავაძეზე, ბიზნეს-ცენტრ პიქსელში
საქართველოში მინა-პაკეტის დამზადების ხარისხის კონტროლი ჩატარდა
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა