რუსთაველის გამზირსა და თავისუფლების მოედანზე საავტომობილო მოძრაობა ორმხრივად აღდგა. საავტომობილო მოძრაობას და აქციაზე ხალხის ნაკადის უსაფრთხოდ გადაადგილებას საპატრულო პოლიცია აკონტროლებს.

პარლამენტის შენობის წინ მიმდინარე აქციაზე აქტივისტთა რაოდენობა შემცირდა, თუმცა, ორგანიზატორთა განცხადებით, პარლამენტის შენობასთან ისინი მთელი ღამის განმავლობაში აპირებენ დარჩენას.

პარლამენტთან საპროტესტო აქცია ხორავას ქუჩაზე მომხდარი მკვლელობის ობიექტურად გამოძიების და დამნაშავეთა დასჯის მოთხოვნით მიმდინარეობს.