აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე ხულოს მუნიციპალიტეტის სოფელ ხიხაძირის ჯამეში რამაზან-ბაირამის ლოცვას დაესწრო.
„მორწმუნეები სალოცავში ადრიანად შეიკრიბნენ და ღვთისადმი სამადლობელი ლოცვა აღავლინეს. რამაზან-ბაირამის დღესასწაული, რომელიც მარხვის დასრულების შემდეგ აღინიშნება, წელს პარასკევს, ანუ მუსლიმთათვის წმინდა დღეს დაემთხვა. აჭარის საკანონმდებლო ორგანოს თავმჯდომარემ შეკრებილებს საღვთო დღესასწაული მიულოცა და ტკბილეულობა გადასცა“, - ნათქვამია აჭარის უმაღლესი საბჭოს პრესსამსახურის მიერ გავრცელებულ ინფორმაციაში.