პანკისის ხეობაში სამართალდამცველები იყვნენ მობილიზებული. როგორც "ინტერპრესნიუსს" ხეობის მცხოვრებლებმა აცნობეს, რამადან- ბაირამის დღესასწაულს ზეიმობდნენ, ამასთან დაკავშირებით სტუმრები იყვნენ ჩასული. მათივე ინფორმაციით, რუსეთის სახელმწიფო ნომრებით მოძრავ ერთ-ერთ მანქანაზე ჩეჩნეთის პრეზიდენტის რამზან კადიროვის მამის, ახმად კადიროვის ფოტო იყო გაკრული, რამაც ადგილობრივების გაღიზიანება გამოიწვია. ადგილობრივებმა ფოტოს მოხსნა მოითხოვეს, რასაც დაპირისპირება მოყვა.

როგორც „ინტერპრესნიუსს“ შსს-ს განუცხადეს, სოფელ დუისში სამართალდამცველებმა მდგომარეობა განმუხტეს და სოფელში უკვე სიმშვიდეა. მათივე ინფორმაციით, სიტუაციის გართულების თავიდან აცილების მიზნით, ახმეტის პოლიციის განყოფილებაში იმყოფებოდა განსაკუთრებულ დავალებათა დეპარტამენტის ორი ჯგუფი.