ნოდარ კერესელიძე - ევროკავშირი ჩვენს ქვეყანას უპრეცედენტო დახმარებას უწევს

გარემოს დაცვისა და სოფლის მეურნეობის მინისტრის პირველმა მოადგილემ, ნოდარ კერესელიძემ, ბათუმში, საერთაშორისო კონფერენციაზე „საქართველოს ევროპული გზა” სიტყვით გამოსვლისას, საქართველოს სოფლის მეურნეობის სექტორში ევროკავშირის მხარდაჭერაზე ისაუბრა. ამის შესახებ „ინტერპრესნიუსს“ საქართველოს გარემოს დაცვისა და სოფლის მეურნეობის სამინისტროდან აცნობეს.

როგორც კერესელიძემ აღნიშნა, ევროკავშირის დახმარება ნახევარ მილიარდ ლარს აღწევს. „ევროკავშირი უპრეცედენტო დახმარებას უწევს ჩვენს ქვეყანას სოფლის მეურნეობის განვითარების კუთხით. სოფლის მეურნეობისა და სოფლის განვითარებისათვის ევროპის სამეზობლო პროგრამის (ENPARD) ფარგლებში დახმარება ნახევარ მილიარდ ლარს აღწევს”, - განაცხადა ნოდარ კერესელიძემ.

ბათუმში გამართულ ორდღიან კონფერენციაზე „საქართველოს ევროპული გზა” რეგიონისა და მსოფლიო მასშტაბით არსებულ გეოპოლიტიკურ გამოწვევებსა და მათი გადაჭრის გზებზე იმსჯელეს, განიხილეს აღმოსავლეთ პარტნიორობის ქვეყნებთან მრავალმხრივი თანამშრომლობის ფორმატები. კონფერენციის მეორე დღე ღრმა და ყოვლისმომცველი თავისუფალი სავაჭრო სივრცის შესახებ შეთანხმებისა (DCFTA) და მცირე და საშუალო საწარმოების სტრატეგიის იმპლემენტაციისთვის ეფექტიანი მოდელის შექმნის თაობაზე მსჯელობას დაეთმო. საუბარი შეეხო სექტორული ინტეგრაციის მნიშვნელობას. სამინისტროს ინფორმაციით, როგორც ერთ-ერთი წარმატებული მაგალითი განხილულ იქნა ევროპის სამეზობლო პროგრამა სოფლის მეურნეობისა და სოფლის განვითარებისათვის.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს