დონალდ ტრამპი - ბარაქ ობამამ დაკარგა ყირიმი, რადგან ვლადიმერ პუტინი პატივს არ სცემდა მას და აშშ-ს
ამერიკის პრეზიდენტი დონალდ ტრამპი კიდევ ერთხელ ადანაშაულებს წინამორბედ ბარაქ ობამას და აცხადებს, რომ სწორედ მან ჩააბარა ყირიმი რუსეთს.
ჟურნალისტების წინაშე გამოსვლისას, დღეს დონალდ ტრამპმა განაცხადა, რომ ობამაა პასუხისმგებელი რუსეთის მიერ ყირიმის ანექსიაზე, რადგან, მისი თქმით, ვლადიმერ პუტინი პატივს არ სცემდა ობამასა და აშშ-ს. ამის შესახებ გამოცემა „The Hill“ იუწყება.
„პრეზიდენტმა ობამამ დაკარგა ყირიმი. იმისთვის, რომ თქვენ იცოდეთ, ეს იყო მანამდე, ვიდრე მე აქ მოვაღწევდი. პრეზიდენტმა ობამამ დაკარგა ყირიმი“, - განაცხადა ტრამპმა.
ჟურნალისტების თხოვნაზე, აეხსნა საკუთარი ბრალდებები, პრეზიდენტმა აღნიშნა: „ეს მისი ბრალია. იმიტომ, რომ პუტინი პატივს არ სცემდა პრეზიდენტ ობამას. პრეზიდენტმა ობამამ დაკარგა ყირიმი, რადგან პრეზიდენტი პუტინი პატივს არ სცემდა ობამას, ჩვენ ქვეყანას და პატივს არ სცემდა უკრაინას“, - განაცხადა ამერიკის პრეზიდენტმა.
v-if="article.gallery" v-html="article.gallery"
