ნიუ-ჯერსის შტატში ერთ-ერთ გამოფენაზე სროლის შედეგად, 20-მდე ადამიანი დაიჭრა. სავარაუდო თავდამსხმელი ლიკვიდირებულია. ამის შესახებ ადგილობრივი მედია იუწყება.

შემთხვევა ქალაქ თრენთონში მოხდა, სადაც ყოველწლიური გამოფენა იმართება.

მერსერის ოლქის პროკურორის ანჯელო ონოფრის განცხადებით, 20-დან 16 ადამიანი ცეცხლსასროლი იარაღით არის დაჭრილი. ისინი საავადმყოფოში გადაიყვანეს. სროლაში მონაწილე ერთ-ერთი ეჭვმიტანილი დაკავებულია.

მომხდარის მიზეზი ამ დროისთვის უცნობია.

მანამდე გავრცელებული ინფორმაციით, გამოფენაზე მყოფმა პოლიციელმა, რომელიც სამსახურებრივ მოვალეობას არ ასრულებდა, საპასუხო ცეცხლი გახსნა, მას შემდეგ რაც გამოფენაზე სროლა დაიწყო.