ალადაშვილის კლინიკაში დაუდგენელი ნივთიერებით მოწამლული ახალგაზრდის მდგომარეობა კვლავ კრიტიკულად მძიმეა

ალადაშვილის კლინიკაში დაუდგენელი ნივთიერების შედეგად მოწამლული 23 წლის ახალგაზრდის მდგომარეობა კვლავ კრიტიკულად მძიმეა, - ამის შესახებ ჟურნალისტებს ალადაშვილის კლინიკის კრიტიკული მედიცნის დეპარტამენტის ხელმძღვანელმა ლევან რატიანმა განუცხადა. მისივე თქმით, პაციენტის მდგომარეობა შემოყვანის მომენტიდან არ შეცვლილა და იგი რეანიმაციულ განყოფილებაში კვლავ მართვით სუნთქვაზე იმყოფება.

„პაციენტის მდგომარეობა უკიდურესად მძიმეა და მართვით სუნთქვაზე იმყოფება. ჩატარდა ყველა წინასწარი გამოკვლევა. პაციენტი შემოყვანილია დაუდგენელი ნივთიერების სუბსტანციის ეფექტით. მისი მდგომარეობა კვლავ მძიმეა და რეანიმაციულ განყოფილებაში რჩება“, – განაცხადა ლევან რატიანმა.

მისივე თქმით, თუ რა ნივთიერებით მოხდა მისი მოწამვლა, ამას ტოქსიკოლოგიური ანალიზი სჭირდება, რომლის ჩატარება კლინიკური კვლევისთვის მიუღწევადია.

„ინტერპრესნიუსის“ კითხვაზე, იმ შემთხვევაში თუკი ცნობილი იქნებოდა რა ნივთიერებით მოხდა ინტოქსიკაცია, იქნებოდა თუ არა მკურნალობა უფრო ეფექტური, რატიანმა განაცხადა, რომ მკურნალობის ტაქტიკა უცვლელი იქნებოდა.

ალადაშვილის კლინიკაში გუშინ, 15:22 საათზე საცხოვრებელი ბინიდან დაუდგენელი ნივთიერების სუბსტანციის ეფექტით ორი ახალგაზრდა, 22 და 23 წლის ძმები გადაიყვანეს, რომელთაგან ერთი უგონო მდგომარეობაში იყო, მეორე კი უკვე გარდაცვლილი.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით