კახა ოქრიაშვილი - ვადამდელ საპარლამენტო არჩევნებთან დაკავშირებით დავით ჭიჭინაძის განცხადება არასერიოზულია

საპარლამენტო უმრავლესობის წევრი კახა ოქრიაშვილი მიიჩნევს, რომ ვადამდელ საპარლამენტო არჩევნებთან დაკავშირებით მისი კოლეგის, დავით ჭიჭინაძის განცხადება არასერიოზულია.

ოქრიაშვილის თქმით, ჭიჭინაძის განცხადების კომენტირება მისი მხრიდან სწორი არ არის.

"მე დავით ჭიჭინაძის განცხადებაზე კომენტარს არ გავაკეთებ, რადგან ეს განცხადება იყო არასერიოზული. დავით ჭიჭინაძე ნუ “ვანგობს” რაღაცეებზე. არანაირი კრიზისი ქვეყანაში არ არსებობს, უბრალოდ ჩვენ არ გვაწყობს ჩვენი განვითარების ტემპები, მაგრამ მე ქვეყანაში კრიზისს ვერ ვხედავ. კონკრეტული მინისტრი ვიღაცას მოსწონს, ვიღაცას არა, ეს არაფერს ნიშნავს. მთავარია, ისე წავიყვანოთ საქმე, რომ ეკონომიკური ზრდა და ქვეყნის წინსვლა დავაჩქაროთ", - განაცხადა ოქრიაშვილმა.

დეპუტატი სტრუქტურულ ცვლილებებთან დაკავშირებით მიღებულ გადაწყვეტილებებს მხარს უჭერს.

როგორც ცნობილია, დავით ჭიჭინაძე ვარაუდობს, რომ ქვეყანაში, შესაძლოა, ვადამდელი საპარლამენტო არჩევნები გახდეს საჭირო.