ქეთევან ციხელაშვილი - „ოთხოზორია - ტატუნაშვილის სია“ არ არის დახურული, რაც იმას ნიშნავს, რომ შეიძლება გაფართოვდეს მიმდინარე გამოძიების შედეგებიდან გამომდინარე

„ოთხოზორია - ტატუნაშვილის სია“ არ არის დახურული, რაც იმას ნიშნავს, რომ შეიძლება გაფართოვდეს მიმდინარე გამოძიების შედეგებიდან გამომდინარე, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა განაცხადა.

მისი თქმით, სია არ არის ერთი პირის მიერ დაკომპლექტებული და მის შედგენაში სამართალდამცავები მონაწილეობდნენ.

რაც შეეხება ინფორმაციას იმის შესახებ, რომ სიაში მყოფი ზოგიერთი პირი შეიძლება არ იყოს ცოცხალი, სახელმწიფო მინისტრი განმარტავს, რომ ეს ვერ იქნებოდა სამართალდამცავებისთვის იმის საფუძველი, რომ საქმე დაეხურათ.

„ეს სია არ არის დახურული, რაც იმას ნიშნავს, რომ შეიძლება გაფართოვდეს მიმდინარე გამოძიების შედეგებიდან გამომდინარე“, - განაცხადა ციხელაშვილმა.

ქეთევან ციხელაშვილი „ოთხოზორია-ტატუნაშვილის სიასთან“ დაკავშირებით ოკუპირებული აფხაზეთის დე ფაქტო რესპუბლიკის ე.წ. საგარეო საქმეთა სამინისტროს განცხადებასაც გამოეხმაურა.

როგორც ციხელაშვილმა განაცხადა, ოთხოზორიას მკვლელი უნდა დაისაჯოს.

„ჩვენ არ შევურიგდებით ადამიანის უფლებების ხელყოფას, ღირსების შელახვას და წამებას. ყველა შეხვედრის, რომელიც გალში იმართება, მთავარი თემა გიგა ოთხოზორიას მკვლელობა და მისი მკვლელის დასჯაა. მკვლელობა უნდა იყოს ყველასთვის შეუწყნარებელი. ჩვენ არ უნდა შევეგუოთ დანაშაულს. დამნაშავეს არ აქვს ეროვნება“, - განაცხადა ციხელაშვილმა.

შეგახსენებთ, ოკუპირებული აფხაზეთის დე ფაქტო საგარეო უწყება „ოთხოზორია-ტატუნაშვილის სიაში“ 33 პირის შეყვანის ფაქტს გამოეხმაურა. „არსებული გარემოებების გათვალისწინებით, აფხაზეთის რესპუბლიკის საგარეო საქმეთა სამინისტრო სერიოზულ შეშფოთებას გამოთქვამს საქართველოს მთავრობის, კერძოდ, პრემიერ-მინისტრ მამუკა ბახტაძეს უკიდურესად დესტრუქტიული ქმედებებით, რომელსაც პროვოკაციული ხასიათი აქვს და შეუძლია სრულად გამოუთხაროს ძირი ჟენევის საერთაშორისო დისკუსიებს“, - ნათქვამია განცხადებაში.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა