არჩილ თალაკვაძე - „ოთხოზორია-ტატუნაშვილის სიაში“ შეყვანილი პირებისთვის შეზღუდვების დაწესების საკითხს აშშ-სა და ევროკავშირთან განვიხილავთ

ყველაფერს გავაკეთებთ, რომ მოხდეს „ოთხოზორია-ტატუნაშვილის სიის“ საერთაშორისო მასშტაბით აღსრულება, - ამის შესახებ ჟურნალისტებს საპარლამენტო უმრავლესობის ლიდერმა არჩილ თალაკვაძემ განუცხადა.

მისივე თქმით, აღნიშნულ სიაში შეყვანილი პირებისთვის შეზღუდვების დაწესების საკითხზე კომუნიკაცია შედგება აშშ-სთან, ევროკავშირთან და ზოგადად საერთაშორისო თანამეგობრობასთან.

„საერთაშორისო ფორმატებში ყველანაირი მხარდაჭერა გვაქვს იმისთვის, რომ ჩვენი სიმართლე ყველას დავანახოთ. ექსპერტიზამ კიდევ ერთხელ გაამყარა ის ვერსიები, რაც საქართველოს პარლამენტმა ტატუნაშვილის მკვლელობის საკითხზე ასახა რეზოლუციაში. ერთ-ერთი მთავარი მოთხოვნა გამოძიების პროცესის ბოლომდე მიყვანა და მართლმსაჯულების აღსრულება იყო. ძალისხმევას გავაგრძელებთ იმისათვის, რომ ყველა მონაწილე და დამნაშავე გამოიკვეთოს და მართლმსაჯულების წინაშე წარსდგეს, მათ შორის მუშაობას გავაგრძელებთ საერთაშორისო თანამეგობრობასთან, რომ ტატუნაშვილის საქმეზე ყურადღება არ შემცირდეს“, - განაცხადა არჩილ თალაკვაძემ.

ამასთან, თალაკვაძე ოკუპირებული „სამხრეთ ოსეთის“ დე ფაქტო პარლამენტის წევრის, პეტრე გასიევის განცხადებასაც გამოეხმაურა იმის თაობაზე, რომ , „სამხრეთ ოსეთი ასევე ამზადებს სასანქციო სიას“. საპარლამენტო უმრავლესობის ლიდერის თქმით, ოკუპირებულ რეჟიმს მოუწევს დაარწმუნოს საზოგადოება, მათი ქმედება რამდენად საფუძვლიანია.

თალაკვაძემ კიდევ ერთხელ აღნიშნა, რომ საქართველოს მთავრობის მიერ მომზადებულ „ოთხოზორია-ტატუნაშვილის“ სიაში, შეყვანილი არიან განსაკუთრებით მძიმე დანაშაულებში ბრალდებული ან მსჯავრდებული პირები და სიას აფხაზეთსა და ცხვინალში მცხოვრებ საზოგადოებასთან არავითარი კავშირი არ აქვს.

„ყველას ინტერესია, მათ შორის აფხაზეთსა და ცხინვალში მცხოვრები საზოგადოების, რომ დანაშაულის ჩამდენი პირები წარსდგნენ მართლმსაჯულების წინაშე და დანაშაულის ჩამდენმა პირებმა დაინახონ, რომ ადამიანის სიცოცხლის ხელყოფა არ დარჩება დაუსჯელი“, - განაცხადა თალაკვაძემ.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან