დავით ზალკალიანმა დიპლომატიურ კორპუსს „ოთხოზორია-ტატუნაშვილის სიასთან“ დაკავშირებით ინფორმაცია მიაწოდა

საგარეო საქმეთა მინისტრმა დავით ზალკალიანმა საქართველოში აკრედიტებულ დიპლომატიურ კორპუსს „ოთხოზორია-ტატუნაშვილის სიასთან“ დაკავშირებით ინფორმაცია მიაწოდა. როგორც დავით ზალკალიანმა შეხვედრის შემდეგ განაცხადა, საგარეო უწყება აქტიურ კოორდინაციას გეგმავს საერთაშორისო საზოგადოებასთან, რათა სიაში შეყვანილი პირების მიმართ შეზღუდვები დაწესდეს.

"შეხვედრა ემსახურებოდა დიპლომატიური კორპუსის ინფორმირებას „ტატუნაშვილი-ოთხოზორიას სიასთან“ დაკავშირებით. მე მათ დეტალურად განვუმარტე ის კრიტერიუმები, რის საფუძველზე მოხდა ამ სიის ფორმირება; ასევე ის, თუ რას ითვალისწინებს საქართველოს პარლამენტის რეზოლუცია და საქართველოს მთავრობის დადგენილება, რა ნაბიჯები უნდა გადადგას საგარეო საქმეთა სამინისტრომ საერთაშორისო თანამეგობრობასთან ერთად. ამ მიმართულებით გარკვეული ნაბიჯები უკვე გადადგმულია. მე კიდევ ერთხელ შევახსენე მათ ევროპარლამენტის რეზოლუცია, სადაც საუბარია იმაზე, რომ ევროკავშირმა და ევროკავშირის წევრმა ქვეყნებმა შესაბამისი სანქციები უნდა მიიღონ სიაში შესულ პირებთან მიმართებაში. ასევე, პოზიტიურად შევაფასე აშშ-ის წარმომადგენლობითი პალატის საკანონმდებლო ინიციატივა. ყველა ქვეყანას აქვს თავისი ინდივიდუალური მიდგომა, ყველა თავისი კანონმდებლობის ფარგლებში მოქმედებს. ჩვენ გვჭირდება კოორდინებული მუშაობა. საგარეო საქმეთა სამინისტრო ინტენსიურად იმუშავებს ყველა პარტნიორ ქვეყანასთან და საერთაშორისო სტრუქტურასთან, იმისთვის, რომ შემზღუდავი ზომები იქნას შემოღებული იმ პირების მიამრთ, რომელთაც ჩადენილი აქვთ დანაშაულები ოკუპირებულ ტერიტორიებზე",- განაცხადა ზალკალიანმა.

ოთხოზორია-ტატუნაშვილის 33-პირიან სიაში შემდეგი ადამიანები არიან შეყვანილი: 1. დავით ჯემალის ძე გურწიევი; 2. ალიკ ფიროდის ძე ტაბოევი; 3. რაშიდ კანჯიოღლი; 4. სლავის სვიატოსლავის ძე ბადია; 5. რაულ მახტის ძე კორტავა; 6. ზაურ ანდროს ძე ჭითანავა; 7. ციბრონა (ეკა) ახალაია; 8. ოთარ ტურნანბა; 9. ალიკა წაბრია; 10. რუსლან დომენტის ძე ჯოპუა; 11. როზა ჯოჯოს ასული მირცხულავა; 12. დიმიტრ არშბა; 13. ვლადიმერ გუნია; 14. ალხაზ მირცხულავა; 15. გია ტუჟბა; 16. გენრიხ გენრიხის ძე ჭანბა; 17. ვლადიმერ გრიგოლის ძე ანუა; 18. ზაურ ცეცხლაძე იგივე მიხეილ თარბა; 19. გენადი ბაგრატის ძე აშხაცავა; 20. გელა ალეკოს ძე ვანაჩა; 21. ოთარ ფალავანძია; 22. ოლეგ პაპასკირი; 23. აფრიკან ბგანბა; 24. ვახტანგ უბირია; 25. ვლადიმერ ემინის ძე ნაჩაჩ-ოღლი; 26. შურიკ (ალექსანდრე) კოკოსკერია; 27. ლევ სარდინოის ძე ბიჩენოვი; 28. გია თუაევი; 29. ფისო ივანეს ძე ვაზაგოვი; 30. თამაზ ოთარის ძე ბესტაევი; 31. რამჩიკ ედიკას ძე ფუხაევი; 32. არკადი ოთარის ძე ძერანოვი; 33. ზურაბ თენგიზის ძე დუდაევი.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა