ნინო ბურჭულაძე - ვერ გავითავისეთ საზოგადოებამ, ხელისუფლებამ ვერ აგვიხსნა, რომ საქართველოში გაჩნდა ტერორიზმის საფრთხე

21-22 ნოემბერს ვერ გავითავისეთ საზოგადოებამ, ხელისუფლებამ ვერ აგვიხსნა, რომ საქართველოში გაჩნდა ტერორიზმის საფრთხე. ტერორიზმის საფრთხე საქართველოში უკვე არის, - ამის შესახებ „პალიტრანიუსის“ გადაცემაში „360 გრადუსი“ გაზერთ „კვირის პალიტრის“ ანალიტიკოსმა, ნინო ბურჭულაძემ განაცხადა.

მან გადაცემაში აუდიო ჩანაწერები გაასაჯაროვა, სადაც მისი თქმით, აჰმედ ჩატაევი ISIS-ის ერთ-ერთ ლიდერს, ბუ ჯიჰადს, იგივე ისლამ ატაბიევს სავარაუდო თავდასხმის სამიზნე ობიექტებზე, მათ შორის საქართველოზეც აწვდის ინფორმაციას. ნინო ბურჭულაძის განცხადებით, ხელისუფლებამ თავისი სიჩუმით დისკრედიტაცია მიაყენა საკუთარ სპეცსამსახურებს და საზოგადოებას დღემდე არ აქვს პასუხი იმ მნიშვნელოვან კითხვებზე, რომელიც ქვეყანაში ტერორიზმის საფრთხეს, ტერორიზმის მხარდამჭერებსა და იმ მიგნებებს ეხება, რომელიც ტერორიზმთან მიმართებით საზოგადოებას უნდა ჰქონდეს.

„ჩვენ ვნახეთ, რომ ხალიფატის ერთ-ერთი მნიშვნელოვანი ლიდერი, რომელიც აშშ-საც კი ჰყავდა ყველაზე საშიშ ტერორისტთა სიაში შეყვანილი, აჰმედ ჩატაევი და მისი ე.წ. ძმები, აღმოვაჩინეთ ქალაქის ცენტრში. ჩვენ თუ ვერ გავითავისებთ, რა საფრთხესთან გვქონდა საქმე, ვერ ვიქნებით მზად ანალოგიური საფრთხეების მიმართ. ხელისუფლების ადგილზე ამ სპეცოპერაციას ერთ-ერთ ყველაზე დიდ მონაპოვრად ჩავთვლიდი, თუმცა, ამის მიუხედავად მათ თავიანთი სიჩუმით მოახერხეს საკუთარი სპეცსამსახურების დისკრედიტაცია. არც ერთ დასმულ კითხვაზე არ გასცა პასუხი და დღემდე არ ვიცით, თუ რა მოხდა სინამდვილეში, ჰყავს თუ არა საქართველოში ტერორიზმის მხარდამჭერები, ვინ არიან ისინი, როგორ უნდა ვებრძოლოთ და როგორი უნდა იყოს საზოგადოების მიგნება“, - განაცხადა ნინო ბურჭულაძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა