გიგი წერეთელი - ეუთოს საპარლამენტი ასამბლეის სესიაზე საქართველოს მიერ წარდგენილ რეზოლუციაში ოთხოზორია-ტატუნაშვილი-ბაშარულის საკითხია შესული

ეუთოს საპარლამენტო ასამბლეის სესიაზე საქართველოს მიერ წარდგენილ რეზოლუციაში ოთხოზორია-ტატუნაშვილი-ბაშარულის საკითხია შესული, - ამის შესახებ "ევროპული საქართველოს" წევრმა, გიგი წერეთელმა განაცხადა.

დეპუტატი იმედოვნებს, რომ რეზოლუციას მხარდაჭერა ექნება.

"7-11 ივლისს ბერლინში გაიმართება ეუთოს საპარლამენტო ასამბლეის სესია. ეს არის ყველაზე დიდი ღონისძიება ეუთოსთვის. იქნება ძალიან საინტერესო დებატები ყველა იმ მნიშვნელოვან საკითხზე, რომელიც დღეს დღის წესრიგშია ევროპის უსაფრთხოებისთვის. ეს არის კონფლიქტები, მიგრაციის თემა, სახელმწიფოთა შორის თანამშრომლობა და ჩვენთვის მნიშვნელოვანია, რომ საქართველო ამ საკითხებს შორის იყოს დღის წესრიგის საკმაოდ მაღალ ნაწილში. საქართველოს დელეგაციამ წარადგინა სპეციალური რეზოლუცია რუსეთ-საქართველოს ომის 10 წლისთავთან დაკავშირებით და მიგვაჩნია, რომ ეს იქნება ძალიან მნიშვნელოვანი, რომ მივიღოთ ეს რეზოლუცია. ეს არ იქნება მარტივი, რადგან რუსეთი საკმაოდ აქტიურად არის წარმოდგენილი და მთელ დელეგაციას აქტიური მუშაობა მოგვიწევს. გამორჩეული ამ წელს ის იქნება, რომ რეზოლუციის ტექსტში მოხვდა ოთხოზორია-ტატუნაშვილი-ბაშარულის საქმეები და სწორედ ეუთოს წევრების ყურადღება უნდა მივაქციოთ, რომ დანაშაულის ჩამდენები დაისაჯონ. გარდა ამისა, განვიხილავთ იმ სამშვიდობო ინიციატივებს, რომელიც გვაქვს", - განაცხადა გიგი წერეთელმა.

მისივე თქმით, მეორე მნიშვნელოვანი საკითხი, რომელსაც სესიაზე განიხილავენ ის არის, რომ უნდა აირჩიონ ეუთოს საპარლამენტო ასამბლეის პრეზიდენტი.

გიგი წერეთელი იმედოვნებს, რომ ასამბლეის წევრების მხარდაჭერას მოიპოვებს და პრეზიდენტი თავად გახდება.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან