ჭუბერის რწმუნებული - არის საშიშროება, რომ მდინარე ნენსკრამ ისევ შეიცვალოს კალაპოტი

მდინარე ნენსკრაზე ძირითადი საფრთხე მოხსნილია, თუმცა პატარ-პატარა რისკები ამ დრომდე არსებობს, - ამის შესახებ ჭუბერის თემის ტერიტორიული ორგანოს რწმუნებულმა, ნინო ვიბლიანმა განაცხადა.

მისივე თქმით, საშიშ ზონაში მცხოვრები მოსახლეობა ევაკუირებულია, შესაბამისად, მათ საფრთხე არ ემუქრებათ.

“ძირითადი საფრთხე მოხსნილია, მაგრამ არსებობს პატარ-პატარა რისკები იქიდან გამომდინარე, რომ წყლის ნაკადმა მორეცხა ნაპირები და არის საშიშროება, რომ მდინარემ ისევ შეიცვალოს კალაპოტი. მოსახლეობას საფრთხე არ ემუქრება. შემიძლია გითხრათ, რომ ხუთი მოქმედი ხიდი არის წაღებული. წყალმა ბოძებიც წაიღო. შესაბამისად, ჭუბერის ნახევარს ელექტროენერგია მიეწოდება, ხოლო წყლის მიღმა დარჩენილ სოფლებს ელექტროენერგია არ მიეწოდება“, - განაცხადა ვიბლიანმა.