ლილე ლიპარტელიანი უმრავლესობის წევრებს - უმრავლესობას არ გაწუხებთ ეს პრობლემა, მაგრამ მოიკითხეთ, რა ხდება თბილისის მიკროავტობუსებში

აქ მსხდომთა უმრავლესობას არ გაწუხებთ ეს პრობლემა, მაგრამ მოიკითხეთ, რა ხდება თბილისის მიკროავტობუსებში, - ასე საკრებულოს ფრაქცია "ნაციონალური მოძრაობის" წევრმა, ლილე ლიპარტელიანმა საკრებულოს დღევანდელ სხდომაზე უმრავლესობის წევრებს მიმართა. მან დეპუტატებს პრობლემის მოსაგვარებლად ქმედითი ნაბიჯების გადადგმისკენ მოუწოდა.

"აქ მსხდომთა უმრავლესობას არ გწუხებთ ეს პრობლემა, მაგრამ აწუხებს ჩვენს ათასობით თანამოქალაქეს. მოიკითხეთ, რა ხდება თბილისის მიკროავტობუსებში. 2015 წლის ზაფხულში ხელშეკრულება დაიდო თბილისის მიკროავტობუსსა და მძღოლებს შორის, რომ 26 გრადუსს როგორც კი გადასცდება ტემპერატურა, კონდიციონერი უნდა იყოს ჩართული. ამის მიუხედავად დღემდე გადაუჭრელ პრობლემად დარჩა ეს საკითხი. მაჟორიტარები ხართ, გექნებათ ურთიერთობა თქვენს ამომრჩეველთან და გეცოდინებათ, რა მდგომარეობაა თბილისის მიკროავტობუსებში. მხოლოდ მოწოდებებით ნუ შემოვიფარგლებით.უფრო ქმედითი ნაბიჯები გადავდგათ, იქნება ეს მონიტორინგის ჯგუფის შექმნა თუ ა.შ. და მოგიწოდებთ, რომ ჩაერთოთ პრობლემის მოგვარებაში,"- განაცხადა ლილე ლიპარტელიანმა.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება