მიხეილ ბატიაშვილი თხოვნით მიმართავს ყველას, „ხელაღებით ნუ იტყვიან, რომ სკოლა არ მუშაობს“

განათლების, მეცნიერების, სპორტისა და კულტურის მინისტრობის კანდიდატი მიხეილ ბატიაშვილი თხოვნით მიმართავს ყველას, „ხელაღებით ნუ იტყვიან, რომ სკოლა არ მუშაობს“.

მინისტრობის კანდიდატის თქმით, საქართველოში ძალიან ბევრი კარგი სკოლაა და ერთიანად საუბარი იმაზე, რომ სკოლებში საშინელი მდგომარეობაა, არაადეკვატურია.

“რამდენჯერმე გაისმა, რომ სკოლა არ მუშაობს და ეს სისტემა არის ჩავარდნილი. ძალიან ბევრი მაგალითი გვაქვს წარმატებული სკოლის, მაგალითად, კომაროვის სკოლა და ა.შ. ბევრი წარმატებული სკოლა არსებობს. მინდა გთხოვოთ, შეიძლება არსებობდეს ამ მიმართულებით რაღაც გასაუმჯობესებელი, თუმცა ასე ხელაღებით საუბარი იმაზე, რომ სკოლა არ მუშაობს, ეს შეიძლება კიდევ უფრო მეტი ზიანის მომტანი იყოს. არის ბევრი სკოლა, რომელიც ძალიან კარგად მუშაობს. მზად ვარ წავიდე თქვენთან ერთად სკოლებში და დავრწმუნდეთ ამაში. არსებობს პრობლემები, მაგრამ თქმა, რომ მთლიანად სკოლა არ მუშაობს, არაადეკვატურია“, - განაცხადა მინისტრობის კანდიდატმა.

ბატიაშვილის თქმით, საუბარი იმაზე, რომ სკოლა არ მუშაობს არასწორია, თუნდაც იმ მასწავლებლების წინაშე, ვინც მუშაობს და თავის ენერგიას დებს, რომ მოსწავლეებს ასწავლოს.

პარლამენტში, რამდენიმე კომიტეტის გაერთიანებულ სხდომაზე მინისტრობის კანდიდატებს უსმენენ.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 04.06.2020
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით