გახარია ოთხოზორია-ტატუნაშვილის სიაზე - დავუშვათ მართლა შეგვეშალა და ვიღაც გარდაცვლილია, ეს უფრო მძიმე დანაშაულია, თუ ის, რომ ვინმე დამნაშავე გაგვპარვოდა

დავუშვათ მართლა შეგვეშალა და ვიღაც გარდაცვლილია, ეს უფრო მძიმე დანაშაულია, თუ ის, რომ ვინმე დამნაშავე გაგვპარვოდა? - ამის შესახებ კითხვითვე უპასუხა შინაგან საქმეთა მინისტრობის კანდიდატმა გიორგი გახარიამ პარლამენტში სამთავრობო გუნდის წარდგენისას „ევროპული საქართველოს“ წევრის, სერგი კაპანაძის შეკითხვას, რომელიც „ოთხოზორია-ტატუნაშვილის“ სიას და მასში გარდაცვლილი პირების საკითხს შეეხებოდა.

სერგი კაპანაძემ პრემიერ მინისტრობის და მინისტრობის კანდიდატებს სავარაუდოდ იმ პირთა ფოტოები აჩვენა, ვინც „ევროპული საქართველოს“ დეპუტატის ინფორმაციით, მონაწილეობდნენ გიგა ოთხოზორიას მკვლელობაში საოკუპაციო ხაზთან.

სერგი კაპანაძემ ფოტოები მას შემდეგ წარმოადგინა, რაც პრემიერ-მინისტრ მამუკა ბახტაძეს და შინაგან საქმეთა მინისტრ გიორგი გახარიას დაუსვა შეკითხვა, თუ ჰყავდა ქართულ მხარეს იდენტიფიცირებული ის პირები, ვინც ვიდეო კადრებში ჩანს გიგა ოთხოზორიას მკვლელობის დროს.

„მე მაინტერესებს ეს პირები არიან თუ არა იდენტიფიცირებული. ახლა შემიძლია წარმოგიდგინოთ ის პირები, ვინც, ჩემს ხელთ არსებული ინფორმაციით, არიან იდენტიფიცირებული. მიუხედავად ამისა, მხოლოდ ერთი ადამიანი მოხვდა ამ სიაში. მაინტერესებს ჰყავს თუ არა გამოძიებას ეს ადამიანები იდენტიფიცირებული და თუ ჰყავს, რატომ არ არიან შეყვანილი ოთხოზორია-ტატუნაშვილის სიაში?“, - განაცხადა სერგი კაპანაძემ.

შინაგან საქმეთა მინისტრობის კანდიდატმა გიორგი გახარიამ სერგი კაპანაძის შეკითხვაზე განმარტა, რომ ეს ადამიანები დადასტურებულად არ არიან იდენტიფიცირებული. „მე მგონი თქვენ ხვდებით, რომ ეს არის განსაკუთრებული ტრაგიკული შემთხვევა და გამოძიებას ჰქონდა სერიოზული შეზღუდვები. გეუბნებით, რომ გამოძიება მიმდინარეობს . ეს ადამიანები იდენტიფიცირებული რომ იყვნენ, მათ ექნებოდათ წაყენებული ბრალი“, -განაცხადა გიორგი გახარიამ.

სერგი კაპანაძე სამთავრობო გუნდისგან დაინტერესდა ასევე საკითხით, თუ რატომ მოხვდა გარდაცვლილი ხალხი „ოთხოზორია-ტატუნაშვილის“ სიაში. „თუ ეს ყველაფერი იცით, გარდაცვლილი ადამიანები ამ სიაში როგორ მოხვდნენ?! როგორ შეიძლება გარდაცვლილი ადამიანების წინააღმდეგ იქნას გატარებული რაიმე სანქცია?! შეცდომა იყო ეს თუ შეგნებულად გააკეთეთ?!“, - აღნიშნა სეგი კაპანაძემ.

„საქართველოს სამართალდამცავ ორგანოებს შესაბამისი მტკიცებულებები ამ ხალსის გარდაცვალების შესახებ დადასტურებული არ გააჩნია. საჯაროდ არსებული ინფორმაცია იმისთვის, რომ ასეთ და მსგავს ბრალდებებში მოხვედრილი ადამიანი არ მოხვდეს ამ სიაში, არ არის საკმარისი.

თქვენ ხომ ახლა კომისიას ხელმძღვანელობთ, ის 5 კაცი, რომელიც ასე ლამაზად და შთამბეჭდავად წარმოადგინეთ, იმ სიაში არ მოხვდა მხოლოდ და მხოლოდ ერთი მიზეზის გამო, რომ მათ წინააღმდეგ შესაბამისი მტკიცებულებები ბრალის წარსადგენად არ იყო. დავუშვათ მართლა ვიღაც შეგვეშალა და ვიღაც გარდაცვლილია, ეს უფრო მძიმე დანაშაულია, თუ ის, რომ ვინმე გაგვპარვოდა?!“-განაცხადა გიორგი გახარიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს