საქართველო საერთაშორისო საგადასახადო თანამშრომლობის საკითხების განსახილველად მაღალი რანგის რეგიონულ შეხვედრებს უმასპინძლებს
საქართველო 17-18 ივლისს საერთაშორისო საგადასახადო თანამშრომლობის საკითხების განსახილველად მაღალი რანგის რეგიონულ შეხვედრებს უმასპინძლებს.
როგორც „ინტერპრესნიუსს“ ფინანსთა სამინისტროდან აცნობეს, 17 ივლისს, 09:00 საათზე, სასტუმრო „ბილტმორში“ საქართველოს ფინანსთა მინისტრი ივანე მაჭავარიანი საერთაშორისო საგადასახადო თანამშრომლობის საკითხების განსახილველად აღმოსავლეთ ევროპისა და ცენტრალური აზიის რეგიონულ შეხვედრას გახსნის.
ორდღიანი საერთაშორისო ფორუმის ორგანიზატორები და მასპინძლები არიან საქართველოს ფინანსთა სამინისტრო, შემოსავლების სამსახური, საქართველოს პარლამენტი და ეროვნულ ბანკი, ასევე, ეკონომიკური თანამშრომლობისა და განვითარების ორგანიზაცია (OECD). ფორუმის მუშაობაში 20 ქვეყნის ფინანსთა სამინისტროების, საგადასახადო ადმინისტრაციების, ეროვნული ბანკებისა და სხვადასხვა ქვეყნის პარლამენტის მაღალი რანგის წარმომადგენლები მიიღებენ მონაწილეობას.
v-if="article.gallery" v-html="article.gallery"
