დავით სერგეენკოს საპრეზიდენტო კანდიდატად დიდი სიამოვნებით დავუჭერდი მხარს, - ამის შესახებ დევნილთა და განსახლების ყოფილმა მინისტრმა სოზარ სუბარმა ჟურნალისტებს განუცხადა. მისი განმარტებით, მმართველ პარტიას ქვეყნის საპრეზიდენტო კანდიდატურასთან დაკავშირებით განხილვები ჯერ არ დაუწყია, ხოლო განხილვების დაწყების შემთხვევაში, ამ პროცესში თავადაც ჩაერთვება.

"საპრეზიდენტო კანდიდატის დასახელების ვადა ჯერ არ ამოწურულა, შესაბამისად, საჩქარო არაფერია.რაც შეეხება კანდიდატებს, ამის თაობაზე ჩემთან არანაირი კონსულტაცია არ ყოფილა. წეღან თქვენ ესაუბრებოდით ადამიანს(დავით სერგეენკოს), რომელსაც დიდი სიამოვნებით დავუჭერდი მხარს, თუმცა ძალიან დიდ საქმეს აკეთებს და შეიძლება, ეს ბევრად მნიშვნელოვანი იყოს",- განაცხადა ჟურნალისტებთან სოზარ სუბარმა.

კითხვაზე, შესაძლებელია, თუ არა საპრეზიდენტო კანდიდატად დასახელდეს ბიძინა ივანიშვილი, სუბარი პასუხობს, რომ კანდიდატის ვინაობის შესახებ საზოგადოება გაიგებს კანდიდატის დასახელების ვადის ამოწურვამდე.