ქალაქ საგარეჯოში, მარჯანიშვილის ქუჩაზე გზის სარეაბილიტაციო სამუშაოები აქტიურად მიმდინარეობს, - ამის შესახებ „ინტერპრესნიუსს“ საგარეჯოს მერიიდან აცნობეს.
საგარეჯოს მუნიციპალიტეტის მერიის ინფორმაციით, მერის პირველმა მოადგილემ ალექსი გილაშვილმა ადგილზე დაათვალიერა ქუჩის სარეაბილიტაციო სამუშაოები და მათ მიმდინარეობას გაეცნო.
აღსანიშნავია, რომ პროექტი რეგიონალური განვითარების ფონდიდან ფინანსდება და მის ფარგლებში მოასფალტდება 250 მეტრის სიგრძის მონაკვეთი.
საგარეჯოს მერიის პრესსამსახურის ცნობით, მოასფალტების სამუშაოებს შპს „კავკას ავტომაგისტრალი“ ასრულებს.