ამერიკის კონგრესის სენატში რესპუბლიკელთა უმრავლესობის ლიდერმა მითჩ მაკკონელმა ორ შესაბამის კომიტეტს მიმართა, გამოვიდნენ რეკომენდაციით, დამატებითი ზომების მიღების შესახებ, რომლებიც მიმართული იქნება მომავალ არჩევნებში რუსეთის ჩარევის აღკვეთისკენ. ამის შესახებ „როიტერი“ იუწყება.
მაკკონელის განცხადებაში აღნიშნულია, რომ მან საბანკო და საერთაშორისო საქმეთა კომიტეტების ხელმძღვანელებს მიმართა, იმოქმედონ კონგრესის მოქმედი ძალისხმევის ფარგლებში, რომ განახორციელონ ეროვნული რეაქციის ფორმირება რუსეთის ან სხვა ქვეყნის ჩარევაზე 2018 წლის არჩევნებში.
ცნობილია, რომ ამერიკის კონგრესის წარმომადგენელთა პალატის თავმჯდომარემ პოლ რაინმა განაცხადა, რომ მზადაა რუსეთის წინააღმდეგ დამატებითი სანქციების საკითხი განიხილოს. მისი თქმით, თუკი კონგრესის კომიტეტები ჩათვლიან, რომ საჭიროა რუსეთის წინააღმდეგ შემდგომი დამატებითი სანქციები, ის ბედნიერი იქნება, განიხილოს ეს საკითხი.