სასამართლო რეფორმის სამუშაო ჯგუფის შეხვედრაზე მოსამართლეთა დისციპლინური პასუხისმგებლობის საკითხზე მსჯელობენ

გვაქვს გეგმა, რომ დღეს დავასრულოთ დისკუსია დისციპლინურ საკითხებთან დაკავშირებით, - ამის შესახებ საქართველოს პარლამენტის თავმჯდომარე ირაკლი კობახიძემ სასამართლო რეფორმის სამუშაო ჯგუფის შეხვედრაზე განაცხადა, სადაც მოსამართლეთა დისციპლინური პასუხისმგებლობის მიმართულებით, სასამართლო სისტემაში დაგეგმილ რეფორმაზე მსჯელობენ.

როგორც „ინტერპრესნიუსს“ საქართველოს პარლამენტიდან აცნობეს, ირაკლი კობახიძის თქმით, შემუშავდა კანონპროექტი, რომელიც ე.წ. ბანგალორის პრინციპებს ეფუძნება და მასში ასახული მთელი რიგი ახალი რეგულაციებით, დისციპლინური წარმოების საკითხების მოწესრიგება კანონმდებლობის დონეზე უმჯობესდება.

„გვქონდა რამდენიმე საინტერესო შეხვედრა ამ კანონპროექტზე. გამოვკვეთეთ ოთხი ძირითადი თემა, რომელზეც მუშაობა გრძელდება და ამ ოთხიდან ერთ-ერთი თემა არის დისციპლინური წარმოების საკითხები. გვქონდა საინტერესო დისკუსიები, შემუშავებულია პროექტი, რომელიც არსებითად ეფუძნება ე.წ.ბანგალორის პრინციპებს და ამ დოკუმენტში ასახულია მთელი რიგი ახალი რეგულაციები, რომლებიც აუმჯობესებს ამ საკითხის მოწესრიგებას კანონმდებლობის დონეზე. დღეს კიდევ ერთხელ მიმოვიხილავთ იმ დისკუსიების შედეგებს, რომლებიც გასული თვეების განმავლობაში გაიმართა და დღეს გვექნება საშუალება, რომ კიდევ ერთხელ ვიმსჯელოთ ამ რეგულაციებთან დაკავშირებით. თუ რჩება საკითხები, რომლებიც საჭიროებს შემდგომ დაზუსტებას, გასწორებას, აბსოლუტურად ღია ვართ ასეთი დისკუსიისთვის“, - განაცხადა საქართველოს პარლამენტის თავმჯდომარემ.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო