საგარეო უწყების ინფორმაციით, ტრაბზონის აეროპორტში დაშვებული თვითმფრინავის ყველა მგზავრი უსაფრთხოდაა
სტამბულში საქართველოს საკონსულოს წარმომადგენლები ტრაბზონის აეროპორტში იმყოფებიან. როგორც „ინტერპრესნიუსს“ საგარეო საქმეთა სამინისტროდან აცნობეს, საკონსულოსთვის დახმარების თხოვნით არავის მიუმართავს, თუმცა ადგილზე ვითარების გასარკვევად საკონსულოდან მაინც მივიდნენ. მათივე ცნობით, თვითმფრინავის ყველა მგზავრი უსაფრთხოდაა.
შეგახსენებთ, რომ თბილისიდან სტამბოლში მიმავალი თვითმფრინავი ტრაბზონის აეროპორტში ავარიულად დაეშვა. როგორც ტელეკომპანია „მაესტროს“ ერთ-ერთმა მგზავრმა განუცხადა, შემთხვევა „თურქეთის ავიახაზების“ თვითმფრინავში მოხდა. მისი ინფორმაციით, აფრენიდან რამდენიმე წუთში თვითმფრინავში პილოტმა გამოაცხადა, რომ პრობლემა იყო და უნდა დაფრენილიყვნენ ტრაბზონში.
როგორც მგზავრი განმარტავს, ყველა მგზავრი უსაფრთხოდ არის და სხვა თვითმრფინავის მისვლას ელოდებიან, რომ დანიშნულების ადგილზე გაემგზავრონ.
