“საერთაშორისო გამჭვირვალობა - საქართველო” - დეპუტატები მთავრობაზე ზედამხედველობის შესაძლებლობებს სათანადოდ არ იყენებენ

დეპუტატები აღმასრულებელ ხელისუფლებაზე ზედამხედველობის შესაძლებლობებს სათანადოდ არ იყენებენ, - აღნიშნული შეფასება არასამთავრობო ორგანიზაცია “საერთაშორისო გამჭვირვალობა - საქართველოს” მიერ მომზადებულ პარლამენტის საქმიანობის შეფასების ანგარიშშია გაკეთებული.

ანგარიში IX მოწვევის პარლამენტის პირველი წლის საქმიანობას ასახავს და 2016 წლის 18 ნოემბრიდან 2017 წლის 31 დეკემბრამდე პერიოდს მოიცავს.

“საერთაშორისო გამჭვირვალობა - საქართველო” ყურადღებას ამახვილებს, რომ საანგარიშო პერიოდში არ შექმნილა საგამოძიებო კომისია, მათ შორის ისეთ მნიშვნელოვან საკითხებზე, როგორიცაა აზერბაიჯანელი ჟურნალისტის აფგან მუხთარლის გატაცება, ასევე ყოფილი გენერალური აუდიტორის ლაშა თორდიას ცემის ფაქტი.

ამასთან, ორგანიზაციის ინფორმაციით, სადეპუტატო კითხვების უმეტესი ნაწილი კვლავ სტატისტიკური ინფორმაციის გამოთხოვას შეეხება და არ უკავშირდება აღმასრულებელი ხელისუფლების მიერ სამთავრობო პროგრამის შესრულების კონტროლსა და საჯარო პოლიტიკის სხვა მნიშვნელოვან საკითხებს.

ანგარიშში ასევე აღნიშნულია, რომ პარლამენტმა თითქმის 1 წლის განმავლობაში ვერ დააკომპლექტა ნდობის ჯგუფი.

“საერთაშორისო გამჭვირვალობა - საქართველოს” მიერ მომზადებულ დოკუმენტში ნათქვამია, რომ პარლამენტი არ ახორციელებს მთავრობის მიერ წარდგენილ კანონშემოქმედებითი საქმიანობის გეგმის მონიტორინგს.

“საერთაშორისო გამჭვირვალობა - საქართველო” ანგარიშს დღეს პარლამენტის წევრებს გააცნობს.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
"სილქ როუდ ჯგუფის" განცხადება "საქანელას" პროექტის შესახებ