„ევროპული საქართველოს” პრეზიდენტობის კანდიდატი დავით ბაქრაძე სტუდენტებს შეხვდა
“ევროპული საქართველოს” პრეზიდენტობის კანდიდატი დავით ბაქრაძე სტუდენტებს შეხვდა. როგორც „ინტერპრესნიუსს“ პარტიის პრესსამსახურმა აცნობა, ახალგაზრდებს საზღვარგარეთ სწავლის გაგრძელების სურვილი აქვთ, თუმცა ამის ფინანსური საშუალება არ გააჩნიათ.
„სტუდენტებისთვის პრობლემაა უცხოურ უნივერსიტეტებთან კომუნიკაციის დამყარება და რეკომენდაციის მიღებაც. პრეზიდენტობის კანდიდატი ახალგაზრდებს საარჩევნო პროგრამის იმ მთავარ პრიორიტეტზე ესაუბრა, რომელიც საპრეზიდენტო ფონდიდან ყოველწლიურად თანხის 50%-ის უცხოეთში სტუდენტების დაფინანსებაზე დახარჯვას ითვალისწინებს“, - ნათქვამია „ევროპული საქართველოს“ ინფორმაციაში.
დავით ბაქრაძის თქმით, გამარჯვების შემთხვევაში პრიორიტეტული გახდება საქართველოში მეტი უცხოური უნივერსიტეტის გახსნა, სადაც ქართველ სტუდენტებს ამერიკული და ევროპული განათლებისა და დიპლომის მიღების საშუალება ექნებათ.
v-if="article.gallery" v-html="article.gallery"
