ახმეტის მუნიციპალიტეტის სოფელ ქვემო ალვანში, აგვისტოს ომის გმირი, გიორგი ანწუხელიძე გაიხსენეს. მემორიალი სამხედრო მოსამსახურეებმა, კახეთის გუბერნატორმა ირაკლი ქადაგიშვილმა ადგილობრივი ხელისუფლების წარმომადგენლებთან ერთად გვირგვინით შეამკო.

„ჩვენ გვახსოვს ომის გმირები და პატივს მივაგებთ. გვახსოვს ადამიანები, რომლებიც საკუთარი საცხოვრებელი სახლებიდან გამოაძევეს. სახელმწიფო მათ გვერდით დგას. მთავრობა ყველაფერს აკეთებს კონფლიქტის დარეგულირების მიზნით“, - განაცხადა კახეთის გუბერნატორმა ირაკლი ქადაგიშვილმა.

გიორგი ანწუხელიძეს დღეს პატივი მიაგეს „ნაციონალური მოძრაობის“ წევრებმაც.