კახა კალაძის შეფასებით, ოპოზიცია ცესკოს დისკრედიტაციას ცდილობს

თბილისის მერის, კახა კალაძის განცხადებით, ოპოზიციის შეფასებები, რომ საოლქო საარჩევნო კომისიის წევრების დაკომპლექტება ნეპოტიზმით ხდება, ცესკოს დისკრედიტაციას ემსახურება. ამის შესახებ კახა კალაძემ საოლქო საარჩევნო კომისიის წევრების შერჩევასთან დაკავშირებით ოპოზიციის ბრალდებებთან დაკავშირებით დასმული კითხვის საპასუხოდ განაცხადა.

მისი თქმით, თუ ოპოზიციას აღნიშნულთან დაკავშირებით კონკრეტული ფაქტები აქვთ, წარმოადგინონ, რასაც კონკრეტული რეაგირება მოყვება.

„ეს არის არასწორი პოლიტიკური განცხადებები მათი მხრიდან, მათი მცდელობაა, რომ ცენტრალური საარჩევნო კომისიის დისკრედიტაცია მოახდინონ, რაც ნამდვილად არ გამოვა. ეს ჩვეულებრივი მოვლენაა, ისინი ყველა არჩევნების წინ ცდილობენ ამას. წარმოადგინონ, თუ ამასთან დაკავშირებით რაიმე ფაქტები არსებობს და შესაბამისი რეაგირება გვექნება“, - განაცხადა კახა კალაძემ.

შეგახსენებთ, რომ ცენტრალურმა საარჩევნო კომისიამ საოლქო საარჩევნო კომისიებში 73 დროებითი წევრი მიმდინარე კვირას აირჩია.

როგორც დღეს გამართულ პრესკონფერენციაზე ოპოზიციური გაერთიანების „ძალა ერთობაშია“ წევრმა, გიორგი ვაშაძემ განაცხადა, ცენტრალურმა საარჩევნო კომისიამ დამოუკიდებელი საოლქო საარჩევნო კომისიის წევრების ვაკანსიებზე „ქართული ოცნების“ შტაბის წევრების, სუს-ის მაღალჩინოსნების და ცესკოს თანამშრომლების ოჯახის წევრები დანიშნა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა