მინი-ფეხბურთში მუხრან შუკვანის სახელობის ტურნირი დასრულდა

მესტიაში, მინი-ფეხბურთში, მუხრან შუკვანის სახელობის გარდამავალი თასის სამდღიანი ტურნირი დასრულდა.

როგორც „ინტერპრესნიუსს“ თავდაცვის სამინისტროდან აცნობეს, ტურნირი მინი-ფეხბურთში ISAF-ის მისიაში გმირულად დაღუპული პირველი ქართველი სამხედრო მოსამსახურის, მე-3 ქვეითი ბრიგადის 31-ე ქვეითი ბატალიონის უფროსი ლეიტენანტის, მუხრან შუკვანის ხსოვნას მიეძღვნა.

სპორტულ შეჯიბრს გენერალური შტაბის უფროსი, გენერალ-მაიორი ვლადიმერ ჩაჩიბაია, მესტიის მუნიციპალიტეტის წარმომადგენლები, მუხრან შუკვანის ოჯახის წევრები და ადგილობრივები დაესწრნენ.

ფინალში ერთმანეთს სენაკის II ქვეითი ბრიგადის გუნდი და ლენჯერის გუნდი დაუპირისპირდა. სენაკის II ქვეითის ბრიგადის გუნდმა ანგარიშით 2-0 გამარჯვება მოიპოვა. გამარჯვებულ გუნდს ტურნირის გარდამავალი თასი გადაეცა და მონაწილე ფეხბურთელები მედლებით დაჯილდოვდნენ.

ტურნირში მესტიის მუნიციპალიტეტის ტერიტორიული ერთეულების გუნდები და საქართველოს შეიარაღებული ძალების დასავლეთ და აღმოსავლეთ სარდლობის გუნდები მონაწილეობდნენ.

ფინალური მატჩის დასრულების შემდეგ თავდაცვის უწყების ხელმძღვანელი პირები მუხრან შუკვანის საფლავზე იმყოფებოდნენ და მის ხსოვნას პატივი მიაგეს. უწყების მაღალჩინოსნებმა ასევე შუკვანების სახლის მშენებლობის პროცესი დაათვალიერეს, რომელიც ხანძრის შედეგად დაიწვა. დამწვარი სახლის აღსადგენად შუკვანების ოჯახს თავდაცვის მინისტრის ბრძანებით ერთჯერადი ფულადი დახმარება გადაეცა. უწყების მიერ ასევე აღდგენილ იქნა, ხანძრის შედეგად დამწვარი მუხრან შუკვანის უწყებრივი მედლები, რომელიც გენერალ-მაიორმა ვლადიმერ ჩაჩიბაიამ ოჯახს გადასცა.

მუხრან შუკვანი 2010 წელს 5 სექტემბერს, ჰელმანდის პროვინციაში სნაიპერის ტყვიით დაიღუპა. სიკვდილის შემდეგ ის ვახტანგ გორგასლის პირველი ხარისხის ორდენით დაჯილდოვდა.

ღონისძიება საქართველოს თავდაცვის სამინისტროს სახმელეთო ჯარების დასავლეთ სარდლობის ინიციატივითა და მესტიის მუნიციპალიტეტის მხარდაჭერით უკვე 5 წელია იმართება.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან