„ექსპერიმენტორიუმში“ „ნერდის დღიურის“ პრეზენტაცია გაიმართება

„ექსპერიმენტორიუმში“, დღეს წიგნის „ნერდის დღიურის“ პრეზენტაცია გაიმართება. „ნერდის დღიური“ - ეს არის წიგნი თანამედროვე ბავშვებისთვისა და მოზარდებისთვის ციფრული ეპოქიდან. წიგნი 22 ენაზეა თარგმნილი და საერთაშორისო ბესტსელერს წარმოადგენს.

„ღონისძიება აზოტის შოუთი გაიხსნება. წიგნს წარადგენს მთარგმნელი, ნინო შეყილაძე და „ლიბერკიდსის“ მეგობრები. აზოტის შოუ ყველაზე ცივი და ფანტასტიკური სილამაზის ინტერაქტიული შოუა. დასწრებისას სასურველია ბავშვებმა ჩაიცვან თბილად, ვინაიდან თხევადი აზოტის ტემპერატურა, როგორც მთვარეზე, 196°С-ია.

ბავშვები ნახავენ, თუ რა შეუძლია თხევად აზოტს: აქციოს დიდი პატარად, ვარდი — შუშად, და ვაშლით დააჭედოს ლურსმანი! აზოტის შოუს ნახვის შემდეგ, ბავშვებს შესაძლოა გაუჩნდეთ დიდი ინტერესი საბუნებისმეტყველო საგნების, ფიზიკისა და ქიმიის მიმართ.

მსურველი შეძლებს ბილეთები „ექსპერიმენტორიუმში“ ადგილზე შეიძინოს.

რაც შეეხება „ნერდის დღიურს“, ის უკვე 22 ენაზეა თარგმნილი. წიგნი მოგვითხრობს 12 წლის ბიჭზე, ფილზე. ფილი დიდი ჭკუის კოლოფია. ხშირად შარშიც ეხვევა. ფილსა და მის მეგობრებს, სიგიჟემდე უყვართ ფიზიკა, მათემატიკა, ფილმები „ვარსკვლავური ომები“, „დიდი აფეთქების თეორია“ , კომიქსები და ყველაფერი ის, რაც ნერდებსა და გიკებს იტაცებთ! ფილი ნამდვილი ნერდია, მისი დღიური, საინტერესო ისტორიებით კი მოზარდებს დაეხმარება საინტერესოდ გაატარონ დრო და ამავდროულად მიიღონ ბევრი სასარგებლო და საინტერესო ინფორმაცია.

„ნერდის დღიური“ სექტემბერში, პროექტ „ლიბერკიდსში“ გამოიცემა სქელი ყდითა და სპეციალური ილუსტრაციებით. „ლიბერკიდსი“ აერთიანებს წიგნებს 8-12 წლის ასაკის ბავშვებისთვის. ნერდის დღიური საუკეთესო საკითხავია ბავშვებისთვის 8 წლის ასაკიდან. ფსიქოლოგების რჩევით კი წიგნი არამარტო ბავშვებმა, არამედ მშობლებმაც უნდა წაიკითხონ“, – აცხადებენ ორგანიზატორები.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 05.06.2020
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით