საპრეზიდენტო არჩევნებამდე პარლამენტი ერთთვიანი პაუზით არ ისარგებლებს და არ შეაჩერებს სესიებს, რის შესაძლებლობასაც მას რეგლამენტი აძლევს

28 ოქტომბრის საპრეზიდენტო არჩევნებამდე პარლამენტი ერთთვიანი პაუზით არ ისარგებლებს და არ შეაჩერებს სესიებს, რის შესაძლებლობასაც მას რეგლამენტი აძლევს.

“ჩვენ მუშაობის გაგრძელება ჩვეულებრივ რეჟიმში მოგვიწევს, იმის მიუხედავად, რომ პარლამენტის რეგლამენტით, არჩევნებამდე ერთი თვე შეიძლება პლენარული სხდომებისგან იყოს თავისუფალი. ჩვენ ალბათ, ყველა სასესიო კვირას მოგვიწევს მუშაობა“, - განაცხადა პარლამენტის თავმჯდომარე ირაკლი კობახიძემ.

პარლამენტში კონსტიტუციასთან საკანონმდებლო აქტების ჰარმონიზაციის კომისიის სხდომა გაიმართა. როგორც ირაკლი კობახიძემ განმარტა, ოქტომბრის ბოლომდე ყველა შესაბამისი კანონი უნდა იყოს მიღებული და პარლამენტის მუშაობა სწორედ ამ ვადის გათვალისწინებით წარიმართოს.

კონსტიტუციასთან საკანონმდებლო აქტების ჰარმონიზაციის კუთხით ყურადღება გამახვილდა განსაკუთრებული ეკონომიკური ზონების შესახებ კანონის მიღებაზე, შრომის უსაფრთხოების შესახებ კანონმდებლობისათვის ორგანული კანონის სტატუსის მინიჭებასა და პროკურატურის შესახებ ახალი კანონის მიღებაზე.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ