პარლამენტის შენობის წინ მიმდინარე აქციას პარტია „ევროპული საქართველოს“ ლიდერები შეუერთდნენ.

როგორც ჟურნალისტებთან საუბრისას პარტიის ერთ-ერთმა ლიდერმა გიგა ბოკერიამ განაცხადა, ხელისუფლება არ დგამს კონკრეტულ ნაბიჯებს, რაც ყოველდღიურად მათ პასუხისმგებლობას ამძიმებს. ბოკერია მმართველ პარტიას პოლიტიკურ უტიფრებს უწოდებს და ხორავას ქუჩაზე მომხდარი მკვლელობის საქმეში ფიგურანტი პირების მფარველობაში ადანაშაულებს.

„ყოველდღე, როდესაც ხელისუფლება არ დგამს კონკრეტულ ნაბიჯებს, ასმაგად ამძიმებს მათ პასუხისმგებლობას. კომისიის დასრულების შემდგომ ნათელია, თუ რა ნაბიჯები უნდა გადადგას ხელისუფლებამ. ამავდროულად დასაბუთებულია ყოველივე ის ეჭვი თუ ბრალდება, რომელიც ჰქონდა საზოგადოებას. როდესაც ვერ ვხედავ ხელისუფლებისგან ვერანაირ მოქმედებას, ეს არის პოლიტიკური უტიფრობა, რომელიც მათ ძალიან მძიმედ დაუჯდებათ“, -აღნიშნა გიგა ბოკერიამ.

პარლამენტის შენობის წინ დაანონსებული აქცია 18:00 საათზე დაიწყო.